ياهلا يامرحبا بالحلة المعمورة=الله الهادي لخلقه ماش غيره هادي
ياأمير الذوق قرب وإمسح السبورة=والغبار إحذر يقرب مجلسي وشدادي

البقا والحلة اللي جيتها مدهورة=ياعسى وبل المخايل فوقها ينقادي
هات سترتك الجديدة ياعريف الدورة=وانسدح خل الغبار يروح عنكم غادي

حلتي ياذيب دائم بالوفا مخبوره=ما تغير طبعها من ماضي الاجدادي
جايكم بالسيف ماجيتك لشوت الكورة=والتسدح طبع غيري منتظرك تنادي

حلتك ظلت قديم الوقت مركز شورة=مار غيرها زمان التلفزة والرادي
رد سيفك في جرابك واحتم الغندورة=كان عندك فاللوازم مقدرة وجهادي

لحية الشائب لك الله بالحيا مستوره=مير وقتك غير العادات الا لا عادي
لا تذرا يالعتيبي في ذرا السنيوره=بعد شفتوا بالسما براق مع رعادي

لحية الشايب لقيناها مجرد صورة=ماتقدر وقفة العراف والقيادي
في ذرا الله عن ذرا قوم تشب الثورة=بين عم وبين خال و شرها وقادي

القضية بالصحافة من زمن منشوره=وأنت ما تدري عن اللي صاير(ن)بالوادي
أسمع إنه جاب راس عتيبه المذكوره=لين شرب الدله الصفرا مع البرادي

انت بيدينك نثرت الصرة المصرورة=لين ضيعت الجناه اللي يجيب الزادي
كل رجال(ن)يمد العرف من مقدورة=مار بكرة ياصبي ميعادك وميعادي

رحمة الله فوق ناس(ن)بالثرا مقبوره=جابوا النملة وفكوها غلط ببلادي
جيت أعانيها ولاها نملة(ن)مطيوره=ودها تأكل يديني سيفي ومجلادي

بيض الله وجه من شع المحل بنوره=كان مايلقا سعة فالدار وسط فوادي
انت مثلك ماتجيه النملة المحقورة=بعد ماطيبتها بالمستكة والكادي

أنت وينك يوم جات الفرقه المنصوره=منت بالميدان يا عنتر ولد شدادي
يا رفيقي هي رضا والا غصب ماموره=وأكثر الضنات يا سرداد يامرداي

كنت وسط المنتدى واغوص جوف بحورة=واحسبن اهل الوفا في طبعها المعتادي
يوم جيت ولا الخواطر بعضها مكسورة=قلت وشبك قال ضيف ولا لقيت اجوادي

لا تظل الدرب قدمك حفرة محفوره=من وقع فيها يروح ولا عنه نشادي
لا تكب الراس تركب بأخر المقطوره=وأنت رجال(ن)يعرف الصح والأنقادي

كل منكم يستحق البشت والباكوره= يارجال الطيب واهل العز والامجادي
كلمتي ماهي عن اهل المعرفه مقصوره= قلتها ولاحسبت حساب للحسادي

يا عريب الجد غط الحفرة المثبورة=خلها دار براح عسوسها تزتادي
رد كلمةواحد(ن) شمات في حنجورة=شوق عينه لا لقي له صيدة(ن)تنصادي

بعد راع الصدق ولع جمره لبخوره=ودنا نكسيه كسوة مابها سوادي
ودنا بالبشت والباكور للمنعوره=قلتها دامك حضرت مجاهد(ن)ومفادي

راجع الكشف القديم وشوف بين سطوره=تعرف التاريخ بالهجري وبالميلادي
البضاعة بينه لعيونكم مقشوره=بس دقق بالنظر اللعب وسط النادي

الكشوف الماضية بزرارها مزروره=وان بغانا كشفها جاتك علوم جدادي
البضاعة للزبون اللي طوال شبورة=بعد قفا السوق جاك التاجر المتهادي

كشفنا توه جديد ولا تجف حبوره=لا تروح بعيد خلك يا رفيقي هادي
العرب ثلثينهم كبودهم محروره=خائفة مدري دهاها بالزمان عنادي

الله الله الله

هالمحاوره مادرينا عنها

صحت السنتكم جميعا

شعراء


تقبلوا تحـــــــــــــــياتي

ما لقيت الا بيوت(ن)بالذهب مغمورة=تختلف مابين طيب وبين قدح زنادي
العرب لو بينت مكنونها معذورة=من ظروف الوقت ماهو من حسد واحقادي

صح لسانك وعلا شأنك ...وفيت وكفيت بيض الله وجهك

والحقيقه القاف ما شاب....لكن ما جا كفا غط البيت واستر ما واجهت والعذر والسموحة

ثم إختمها بشهادة لا اله الا الله وكفارة المجلس .....بارك الله فيك وفي كل من تابع او سوف يزور هذه الصفحة للجميع الشكر






عندك راع الصدق ترى براسه جب ما طحن ...........هههههههههه..............لا ترحمه

خل صلحك بالذهب حتى تطول عصوره=مانبا صفق الهوى يمسح وفا الاسيادي
بيض الله وجه من هو صفقوا جمهوره=حسبة الوالد وسم يسمم الاكبادي