على طار الغرام ولهفنا وأحلامنا والشوق=تزايد نبض قلبي وأشعل النيران بنفاسي
يصيح القلب في صدري صياح فقيًر(ن)مسروق=فقد ما يمكه من قوت حظه والزمن قاسي
أحس الدم ولع نار كني صاير(ن)محروق=وأحس بضيقة بالنفس وصداع(ن)غزا راسي
كأني صرت هيكل واقف(ن)ما عاد فيه عروق=عيون(ن)غايرة بالراس وشفاه(ن)شبه يباسي
بعد ما كنت فصح لسان صرت أكسر المنطوق=وفكري من معاناتي أشوفه قام ينحاسي
تمنيتك قريب يمكن الأحلام في تروق=ويهدا روع فكري وأهتني بنومي ومجلاسي
ألا يا فاتني لو كنت مثلي ذائق(ن)ما ذوق=هجرت العطر والزينة وبعت عقيدك الماسي
يدور الليل عقب الليل والمشرق بعده شروق=وأنا حالي كما ما كان أشوفك أهلي وناسي
أسامر طيفك المجنون أغني له طرب وطروق=يراقصني على لحن الهوى ويذوب في كاسي
أطالع في وجيه الخلق وأذكر بينهم مخلوق=ملك قلبي وفكري وأشعل الأشواق بحساسي
لكن البعد آآآآه البعد عقب بالضلوع فتوق=ليا مني ذكرت إنه بعيد أطيح متواسي

صح بدنك ولا هنت



سعدت بردك الطيب



بارك الله فيك

صح بدنك لا هنت



سعدت بحضورك الله يعطيك العافية



لك خالص الود

تجملت القصيدة وتعطرت بمرورك الكريم


سعدت بردك وحضورك


أبدعتي بالرد


لك خالص الود

صح الله لسااااااااااااااااااانك

قصيدة جزله من شاعر جزل

الله يعطيك العافية

تقبل أرق التحايا و أعذبها