الأوله يالله خلك معايا=يا عالم بالسر داخل فوادي
ياناشدي الهجن سوت سوايا=لكن فوق الله كل إعتمادي
رعية(ن)من نادرات الرعايا=الطارفة عند اللوازم سدادي
جتني علاها وسوم ماهي حلايا=شقر(ن)ويغشى بعضهن سوادي
طفح علاها موردين المنايا=أهل المعاند يوم وقت العنادي
بوكورها الأحرار ماهم سبايا=ولا ظامها بالوقت جور المعادي
الشحم كاسي ظهورها والحوايا=ظمر بطون ولا ثناها هدادي
منقية من طيبات النقايا=اللي قليل وصوفها بالبلادي
بخفافها تاطا لروس الحيايا=تبا تبيض وجه رايح وغادي
الله يجنبها صروف المنايا=كسيتهن لبوس بيض جدادي
زينتهاباللبس ماهي عرايا=مسحت فوق ظهورها والثنادي
أسقيتها من العد وأمست روايا=وأطلقتها عندك خبر من زنادي
جهزتها وأعطيتها من العطايا=وأرسلتها بالصيف قبل البرادي
أخذت منها وجه كفل وعنايا=حسب قوانين العرب بالبوادي
على النقا ماهو بخلف الزوايا=في وضع هادي جوها كان عادي
ثم طبت الميدان ماهي غوايا=وأسمع صياح القوم مدري تحادي
البدو جونا يردحون بحدايا=كل إله غاية وشف ومرادي
شبابها مع شيبها والصبايا=قامت تجهز للسيوف الحدادي
قامت تصيح وتعتزي بالنخايا=علم صحيح موكدينه وكادي
وقت الحمايا عودوا للحمايا=ومن لا هداه الله ماني بهادي
والصبر طيب وأحسنوا للنوايا=لا تسمعون أهل الحكي والدوادي
بكرة تجيكم راجعة بالهدايا=اللي تبيض وجهكم بالنوادي
وختامها يالله تسمع دعايا=إنك تيسر كل خافي وبادي
تغفر لنا لا من دعتنا المنايا=يامن لوجهك يسجدون العبادي

صح بدنك ولا هنت


سعدت بحضورك بارك الله فيك


لك خالص الود

صح بدنك ولا هنت


وجهك ابيض



سعدت بمرورك وردك الوافي


دمت بخير

صح بدنك بارك الله فيك


الف شكر لك



سعدت بحضورك


كل الود

صح بدنك ولا هنت



سعدت بردك الطيب



تقبل خالص تحيتي

صح بدنك ولا هنت


سعدت بردك الطيب وحضورك المميز



الله يعطيك العافية



لك خالص تحيتي