شفتها في ساعة بعد العصر=حين مرت فزوا العالم وقوف
ساقها بالدرب مقسوم القدر=دق قلبي مثل دقات الدفوف
الغزال اللي بها باين ذعر=جامعة للحسن أشكال وصنوف
ظاهر في مشيها بعض الحذر=واضحة في خطوة الريم الهنوف
كنها حمامة شافت صقر=تسحب الأرداف وتهز الكتوف
طالعت يمي وصدت بالنظر=إنكسر طرفه حيا مدري كسوف
نظرة ما هي سليمة من خطر=كنها طعن الخناجر والسيوف
حولت على فؤادي وإنشطر=نصف راح لها ونصف فيه خوف
يا حلاة الطرف لا من إنكسر=ويا حلاة خدودها مع الكفوف
وجهها في لفة الطرحة بدر=ما عليه غيوم او شابه كسوف
كملتها بالتزين والحُمر=والعطور اللي تلوف الروح لوف
مذهلة كل الذي منها ظهر=يسلب الألباب ويعقب حسوف
والمصيبة كامنة باللي دثر=بالهدوم اللي تجسد للوصوف
آه ما كنه يشابه للبشر=لو تقسم حسنها يكفي ألوف
كاد عقلي ينسلب والله ستر=مرت بسلام وعيوني تشوف
فتنة عدت ويا كثر العبر=الحياة دروس بحساب الظروف

مبدع القاف


صح بدنك ولا هنت وجهك أبيض


تعقيبك بالأبيات رائع صح لسانك


وأزيدك من الشعر بيت




بارك الله فيك لا عدمناك


تقبل تحيتي

صح بدنك


سعدت بردك الجميل


لك تحيتي

الله يسلمك


تشرفت بردك

صح بدنك ولا هنت


سعدت بردك و تواجدك


لا عدمناك

بارك الله فيك


سعدت بردك الطيب

صح بدنك ولا هنت


لك خالص تحيتي