الليلة انا بين نور وظلامي=
سهران ليلي والأماني مباريك=
ما بين لو وليت مدري علامي=
الليل كله بين هذي وهذيك=
أحلامي اللي عن مرادي صيامي=
وانا بجوفي من سببها شرابيك=
اروح وارجع والمشاعر ظوامي=
وانا اتمنى كلمة الله يحييك=
من صاحب حاسبه ذروة سنامي=
بخل بجوده بالليال المحاليك=
وما دام ما حييت بي ياغرامي=
بسري مساري من دعته التهاليك=
بسري بحلمي والوجع والسقامي=
اللي لها بالقلب سطوة وتمليك=
كني حرامي لو ماني حرامي=
لكن انا يا سيد البيض مغليك=
أغليك لو تعلن عليِّ الخصامي=
وأموت راضي عنك ماني مجافيك=
عليك مني ياغناتي سلامي=
انا فؤادي يااريش العين هاويك=
القلب فيه من البعاد إنقسامي=
لو قلت لي تعال ما بقدر أجيك=
والشوق ما بين اللحم والعظامي=
كنة لهيب النار يا علي أفديك=
مغير اسلي خاطري بالكلامي=
واحلم ومالي غير الأحلام ترجيك=
عل وعسى ترحم لحالي وأنامي=
لا من سقيت لقلب بالحب مرويك=
وإلا بسامر لين تصبح حلامي=
وأطلب من الرحمن يرحم ويهديك=
الليل كله بين نور وظلامي=
سهران ليلي والأماني مباريك=