الله أكبر سنيني هدني بينها=كن قلبي عروقه قصها مشرطي
وينها اللي فتني يا هلي زينها=رحت فيها مثل ما قيل قبلي وطي
الحلا مكتمل والسحر في عينها=من يظن الحسن ما يكتمل فخرطي
المحاسن كثيرة صعب تدوينها=كل ما هو بحلو وزين ما ينغطي
النفوس المحبة يالله تعينها=يا زماني ترفق بأحرفي ونقطي
القصائد بعضها صعب تخمينها=مير يا وقت جمر الشوق بيخططي
كل ما جن ليلي قلت له: فينها=كان نسيت ترى النسيان تال اعبطي
والله إني ما بنسى ضمة يدينها=عندها مربط أحلامي على مربطي
ساعة إني لمست مصافح يمينها=ضاع مني كلامي صرت بخربطي
السوالف قصائد حلو تلحينها=من شفاه الحبيبة شهد بينقطي
لن سمعت السوالف حلو تلوينها=تهت ما عدت بعرف صايبي وغلطي
المشاعر تصارع بالحشا حينها=في عروق الفؤاد بدمها تخلطي
هي غرامي بقلبي صار توطينها=داخل الخافق اللي صان ما فرطي
من سنين أتمناها لكن وينها=أخذت القلب كله قبل لا ينعطي
لو يعطى قسمته بيني وبينها=وإن بغت كل عمري قلت:لا تشرطي
جاك مني هدية منك تثمينها=عندك الفكر ينشط والهوى ينشطي
مير سود الليالي مجزلة شينها=حدت العمر فوق دروب ما تنوطي
شاب طفل الغرام اللي على دينها=صار شايب يا دوبه بالطريق يخطي
ما روي من قساوتها ومن لينها=العمر عجلة سنينه ولا هو بطي
الله أكبر سنيني هدني بينها=كن قلبي عروقه قصها مشرطي