تخليت عني يوم ربي عطاك شوي=تحسب إن رب أعطاك ماهو بلي معطي
تبعت السراب وتحسبه بالصحاري مي=تركت النعيم اللي قبل فيه متغطي
تصرفك هذا سي وأسوى بعد من سي=عن الحق الأبلج ما فعلته بنا شطي
توكل على الله روح أنا ما طلبتك شي=مصيرك تعود يوم وتقول أنا مخطي
يقول المثل لابد حيٍ(ن)يلاقي حي=أنا واثق بترجع عليّه ولو تبطي
ليا من عرفت الفرق بين اللظا والفي=تعود بطوعك دون قيدٍ(ن)ولا شرطي
تجيني معود تاركٍ(ن)بالزمان الغي=وكل الجنون اللي دهت راسك توطي
ظلام الليالي ما يشابه لنور وضي=وعقدٍ(ن)لبسته حتم في يوم ينفرطي
أذكرك فعلك حين رديت مد يدي=على شط بحر الود غادرت للشطي
تعداك صوتي يوم اناديك ألا ياخي=قبل لا تغادر حل حبلك من الربطي
طويت المسافة والزمن بالمقفى طي=وأنا من بعدك أشيل بالأمر وأحطي
تذوقت من بعدك لمر الفراق الني=وذا لحين قررت أكشف اللبس والخلطي
قراري صريح ولا بها كيف؟ وإلا أي؟=فؤادي قفلته عنك ماعاد ينخرطي
بعد ضاعت الفرصة كويت المعالق كي=محال نتصافى وأمرنا بيننا فُرطي
تخليت عني يوم ربي عطاك شوي=تحسب إن رب أعطاك ماهو بلي معطي

المشاركة الأصلية كتبت بواسطة سكون الليل (المشاركة 180584) صح لسانك وربي يوفقك رووووعة تسلم الايادي

المشاركة الأصلية كتبت بواسطة نجم العرب (المشاركة 180587) يا سلام على الابداع والتأق صح لسانك مدد ماهو عدد ابدعت لا هنت تقبل التحية

المشاركة الأصلية كتبت بواسطة علياء (المشاركة 180590) قصبدة حلوووووة صح نبضك خالص الود

المشاركة الأصلية كتبت بواسطة دليل القوافــل (المشاركة 180600) صح لسانك واعتلا شانك اكثر من رائعة لله درك تقبل التحية

المشاركة الأصلية كتبت بواسطة أبو الطيب (المشاركة 180601) صح لسانك وسلم بنانك قصيدة مميزة