يا سحابٍ(ن)ما سكن نوض البروق=في سما العطشان يسني بالبريق
ناض برقه في علو الجو فوق=المزون أرداف والبارق حقيق
من مغيب الشمس لا وقت الشروق=ماحصل لي منك لو بله لريق
يبست الأرياق في جوف الحلوق=ما هناني لا زفير ولا شهيق
لين زاد النبض من حر الخفوق=وإشتعل بالصدر ما يشبه حريق
أحرق الشريان وأتلف للعروق=طول ليلي ياسحاب أغشى وأفيق
يا سحابٍ(ن)زادني للشوق شوق=زادني مسراك فوق الضيق ضيق
ليه تمنعني من أقل الحقوق=كان حبك ما صفا كن لي صديق
لا تعشمني بوصلٍ(ن)صار طوق=صرت مسجون الأمل وأنا طليق
الفكر مشغول عيا لا يروق=أتمنى رضاك والمدة عقوق
وأتغنى لين شيبت الطروق=من غرامٍ(ن)بالصدر جرحه عميق
كل يوم يزيد وتزيد الفتوق=في فؤادٍ(ن)دايمٍ(ن)شفقٍ(ن)شفيق
مخلصٍ(ن)للعهد وافي ما يبوق=ما بقا به نبض ياولفي رفيق
الهوى مايعرفه من لا يذوق=لا تمكن بالبشر قيده وثيق
يا سحابٍ(ن)ما سكن نوض البروق=في سما العطشان يسني بالبريق