ليتك حبيبي رحمت الحال من مشتكاه...=ما كان فوق البشر للعون حديتني...
وشلون ما ترحم لقلبي وتنهي عناه...=وأنت الذي يم نار الحب وديتني...
ما حن قلبك لحالي وآه مليون آه...=بنيتني بالهوى هاثم هديتني...
يا حلم عمري غرامك زاد فيني بلاه...=فديتك بكل روحي ما تفديتني...
الله يحنن لقلبك فوق قلبٍ(ن)هواه...=كل ما طلبتك لحاجة قسر رديتني...
لو كنت صادق بحبك يا جميل الشفاه...=حتى على النفس والحاجات بديتني...
الله يسامح قسا خلي ويسمح غلاه...=كل ما بغيت الفكاك بعنف شديتني...
القلب ميت عطش ما ذاق طعم الرواه...=من عذب نبعٍ(ن)جرى جئته وصديتني...
يا شينها من حياة إن كان هذي حياه...=كل ما قربت لديار الشوق عديتني...
الشوق بالقلب ذئبٍ(ن)لج صدري عواه...=لج العوا في ضلوعي يوم ما أديتني...
جوعان عطشان خائف ذيروه الرماه...=أرداه وقته مثل يوم أنته أرديتني...
لا صار قلبك معلق يالغلا في قساه...=ليتك لدرب الهوى ما كان ناديتني...
وشلون ترضى لروحي فقر وأنت الغناه...=لو صرت لي راس مالي كان سديتني...
وليتك حبيبي رحمت الحال من مشتكاه...=ما كان فوق البشر للعون حديتني...