يالشاعر إلي تمتلكني مزاياك=شعرك يزلزل خافقي من مكانه
وقافك ينسيني كثيرين الأملاك=ويتوج احساسي ويشبع حنانه
وانوثتي ترسي على شط معناك=ويبحر مع حرفك عظيم امتنانه ،،،
ماهمني تلميح هذا وهذاك ..!!؟=ملكت تاج القاف باول زمانه
داعبت جزل الحرف في كف يمناك=وأسست مبدأ للشعر والرزانه
وعانقت في ذوقك رفيعات الأفلاك=الين ماوصلت لاخر اعنانه
ياليتني حرفن تضمه شفاياك=وفي حنجرتك الدافيه لك رهانه ..
أو ونتن تجرها من حناياك=سبة حبيبن لك تناسى لعانه ..!؟
أو ملهمتك إذا تحداك الادراك=بعض المواقف حطتك في إدانه
مازاد هرجك والعبر في سواياك=ومن منطلق فعلك تعشقك (فلانه)
ياقاهر أقرانك وياكايد اعداك..!؟=ويا ماخذ بوسط المراجل مكانه ..
ياللي تشابه ظاهرك مع نواياك=ولا اضمرت في قلبك جحود وخيانه
ودام الغلا مابيننا سبب إرباك=وخلاني مثلك بالمواقف مدانه
بقلد ابن فطيس أبيك واباك=ياكافل الشعر الجزيل وضمانه

وسلامتكم

ياليتني حرفـن تضمـه شفايـاك
وفي حنجرتك الدافيه لك رهانه ..
أو ونتـن تجرهـا مـن حنايـاك
سبة حبيبن لك تناسى لعانـه ..!؟