انا كل مادرهم خفوقي مع التذكار=تفاعل معه رادار فكري وهاجوسه
فتح لي خيالي دفتر الماضي اللي صار=وجدد جروحاً داخل الصدرمدسوسه
الا ياوجودي وجد من جره التيار=جهة قرش بحرً يفرم الناس بضروسه
على اللي لها بالقلب حب وقدر ووقار=بمقصورةً عن داعي الشك محروسه
على اعلا مراتبهاسطا حبهاواختار=محلاً خصب به شجرة الودمغروسه
وذا حق نادرت الوصايف خفا واجهار=مشاعرغلاواخلاص قلبين محسوسه
عنوداً عطاه الله سبحانه الجبار=وصوفً بكل الزين والحسن متروسه
عريضة صدرضامربطن والردوف كبار=رسم جسمهافي صيغة اقواس معكوسه
وعيونً نجل والخشم كالصارم البتار=وخداً من الرقه تاثر به البوسه
غزتني مثل مايغزي الفارس المغوار=خذت عقلي وراحت وخلتني بحوسه
بعد ماخذانافي ليال الهنا مشوار= خلفها ليالً صدق قشرا ومنحوسه
بلانا القدربالبعد لكن انا صبار=لو ان الخطر من بعدها دق ناقوسه
على خدمة الوتساب اواصل بعيدالدار=واقول اله حال الوصل ماهي بمايؤسه
يقول المثل مافيه ياسً مع الاصرار=وانا ابا ابحث الموضوع بالعقل واسوسه
الي حكمةً تنبيني ان الزمن دوار=تعلمت من ماضي تجاربه ودروسه
لابدالضروف اتمن بالوصل والمسيار=وننعم بجمعه واقعيه وملموسه
ولن ماحصل يبقا الك حب وقدر ووقار=والاسرارتبقا داخل القلب محبوسه

حسن أبداع وصياغة متقنة
صح لسانك وسلمت يمناك.’

وسلم بوحك ولا عدمناك.’



الله يعطيك الف عافية وما يحرمنا منك
ومن كنوز أفكارك

المشاركة الأصلية كتبت بواسطة نجم العرب (المشاركة 159342) صباحك شعر قصيدة رائعة بكل المقاييس لي عودة لتصفحها مرة اخرى صح لسانك

المشاركة الأصلية كتبت بواسطة رباح دبيان البيضاني (المشاركة 159344) علـى اللـي لهـا بالقلـب حـب وقــدر ووقــار بـمـقـصـورةً عــــن داعــــي الــشــك مـحـروســه عـــلـــى اعــــــلا مـراتـبـهـاسـطــا حـبـهـاواخــتــار مــحــلاً خــصــب بــــه شــجــرة الـودمـغـروسـه صح السانك....... يا ابو مشعل..