قـالـت مـن أنت وقـلـت هـاك الهـويـه = أنـا عـتـيـبـي مـن شيـوخ الـقـبـيـلـه
راع الـكـرم والجـود راع الـحـمـيـه = ولـي أثـر واضـح فــي كـل لــيــلــه
أقـدم الـمعـروف صــبــح وعــشــيــه = احــزن من فـراق الخـلـيـل لـخـلـيـلـه
يـابـنـت انــا والله عــزومــي قــويــه = أبـرك لـهـا لــو الحـمـولــة ثـقـيــلــه
عـلـى خـطا الأجـداد رجـلـي وطـيـه = قـلـبـي يحن وعين روحه دلــيــلـه
لـيـا صـفـا لـي من الـزمـن لــو شــويــه = أخـذ مـن الصافي كثـيـر و قـلـيــلـه
أنا بدوي حتى الطبوع بدويه = ما يمتطي غير الخيول الأصيله
الـروح مـن طيب الخصائـل رويـه = الـقـلـب مـايـبـغــا الـعـلـوم الـرذيـلــه
الـغـدر ماطيقه ولا اعرف خـويـه = اعرف عيال الطيب اهل الفضيله
أصابعك يابنت ماهي سويه = الصقر منزاله جبال(ن)طويله
الذئب يعوي من علوم(ن)خفيه = يعوي ليا صارت حياته عليله
الفرق واضح بين هذي وذيه = السيل من ينصاه يمكن يشيله

المشاركة الأصلية كتبت بواسطة binhlailبن هليــل (المشاركة 78796) أنا بدوي طبوع قلبي بدويه ولا أمتطي غير الخيول الأصيله أصابع كفوفك ماهي سويه الصقر ينزل بالجبال الطويله الذئب ما يعوي ويكثر عويه إلاَ ليا صارت روحة عليله هذي صفاتي وسمعي يابنيه السيل من ينصاه لازم يشيله ما قصرت وبيض الله وجهك راجع هذه الأبيات مرة أخرى وفالك البيرق

المشاركة الأصلية كتبت بواسطة القنـــــاص (المشاركة 78798) صح لسانك يالذيب ما قصرت قصيدة طيبة من طيب لك التحية

المشاركة الأصلية كتبت بواسطة صقـر عتيبـة (المشاركة 78820) الذيب صح السانك قصيدة جميلة مميزة جزلة من رجل جزل تقبل تحيااااااااااااااااااااااااااتي صقر عتيبة

المشاركة الأصلية كتبت بواسطة دليل القوافــل (المشاركة 78823) صح لسانك يالذيب جميلة الله يعطيك العافية لك خالص الود