ضـــرس العـــقــل!!!
 

قصيده من قديمي تتجدد بينكم...

اه من ضرس العقل فيه شـر وفيـه سـوس
شـق راسـي وامتحنّـي وصملـت اخلـعـه
/

ماهتنى بالنوم راسـي ولـو عينـي تهـوس
والسبب ضـرس العقل..ياعسـى الله يقلعـه
/

وأشهـد أن العافيـه نشتريـهـا بالفـلـوس
(والسعـه لابـارك الله فالضـرس السـعـه)
/

الألـم قـام يتـزايـد ودنيـايـه عـبـوس
كـن عزرائيـل يشـر علـيـه بأصبـعـه!!
/

ورحت مستشفى(التخصص)وقالوا فيه (موس)
وفيـه (زراديـةً) كــل خـافـي تطلـعـه
/

قلـت اخافـوا ربكـم يامعـذّبـة النـفـوس
يالطبيب ايش الكلام الـذي منـك اسمعـه؟!!
/

قال:رح للسستـر ورحـت للبنـت العـروس
ويوم شفت المترفه طـاب ضرسـي ووجعـه
/

طاب ضرسي ..مير حاست خلايا المخ حوس!!
أفقـد التفكيـر مـرّه..ومـر استرجـعـه!!
/

البـدو عنهـا يقولون(بـنـتً عيطـمـوس)
والحضـر يقلـون عنها(هـنـوف مدلّـعـه)
/

ليت باقي ضرس ثاني وبـادي فيـه سـوس
ثم اراجـع بـه سنـه كاملـه قبـل أقلعـه!!
/

عند بنـتً غاليـه شغلهـا خلـع الضـروس
اخلعت ضرس العقل واخلعت عقلـي معـه!!!
وسلامتكم

رد: ضـــرس العـــقــل!!!
 

صح لسانك يااكبر الشعراء


قصيدة جميله

تحياتي لك

رد: ضـــرس العـــقــل!!!
 

صــح الله الســـااااانـــك ودائــمـــاً تــطــربــنــا بــأعـــذب الــقــصـــائــد
كــلــنـــا آذانـــاً صـــاغــيـــه لــك يــاعــيـــضـــه

لــك خــالـــص الــتــحــايـــا

رد: ضـــرس العـــقــل!!!
 

صح لسانك وعلا شانك

وين لقيت هالدواء للضروس

مشكور على القصيدة

تقبل

تحيااااااااااااااااااااااتي

رد: ضـــرس العـــقــل!!!
 

http://www.jawaher-qtr.net/uploads/1d7e85fb3d.gif




صـــقــــر عــتـــيـــبــــة

رد: ضـــرس العـــقــل!!!
 

قديمك نديمك لو الزمان أغناك

صح لسانك وعلا شأنك

ما هم الا هم العرس ولا وجع الا وجع الضرس

مشكور على التواصل

ننتظر المزيد

لك

تحياااااااااااااااااااتي

رد: ضـــرس العـــقــل!!!
 

صح لسانك وعلا شانك


قصيدة رائعة


وعلى ما قيل

ما وجع الا وجع الضرس ولا هم الا هم العرس

لك

تحياتي

رد: ضـــرس العـــقــل!!!
 

صح لسانك وعلا شانك

قصيدة رائعة

لك

خالص تقديري

رد: ضـــرس العـــقــل!!!
 

صح لسانك

جزلة من راس جزل

تقبل مروري

رد: ضـــرس العـــقــل!!!
 

صح لسانك وعلا شانك

رائعة

تقبل مروري