يا نقشة الحنة اللي حيرت للفهم=على قدم ترف فيها للهواوي مصير
ناظرتها كن حسي انخلق من عدم=فيها من السحر والإبداع شيءٍ(ن)كثير
سلمت ياذوق ناقشها بكفه سلم=أنا أشهد إنك بذوقك يا غناتي خطير
الشوق بالقلب شاف النقوش ثم إبتسم=بسمة خوي الأمير اللي شكره الأمير
يا ترف الأقدام حسنك واضحٍ(ن)بالقدم=ليت القدم ينفرش له في مسيرك حرير
مشيتك فوق الثرا ما كنها إلا نغم=يرتاح له سمع خلق الله كبير وصغير
ياليت تشفق وترحم مثل منهو رحم=ترحم عيون المولع ثم حس الضرير
ما تدري إن الجمال اللي تسوقه ظلم=من شاف حسنك يحس إنه بعالم فقير
ينسى لما هو سبق له شرور ونعم=ما يذكر إلا جمالك والزمان القصير
هذا أنا يا مرادي في جميع الذمم=روحي تحبك وقلبي والعقل والضمير
من شفت حسنك فؤادي يا غلاي انقسم=ما بين ونة ولهفة ما لها من نظير
أحس مابي من الأشواق وصل العظم=وأحس بالقلب مثل الزيت ناشه سعير
تحرق شراييني قلبي ثم دم ولحم=والقلب لولا الحنايا من حشايه يطير
وده يلف المسافة بيننا والقيم=حتى يضمك على صدر الغرام الكبير
والله لأتعب لروحي والشعر والقلم=من شأن ترضا عليً بدون شك وخشير
يا بسمة العمر كم فاتنانا كم كم=كم ذقت من شأنك عناء مستطير
أحرق لعظمي ولحمي واحرق لعرق دم=ما باقي إلا هياكل في بالزمان الأخير
يا نقشة الحنة اللي حيرت للفهم=على قدم ترف فيها للهواوي مصير