يا مرحبا واهلين عذب التحايا...=يا كاملٍ(ن)بالحسن يا منبع الذوق...
اهلا هلا بك يا جزيل العطايا...=بيت الكرم محجوز لك بالخفوق...
اقلط وهات العلم صاف الثنايا ...=أخذ مكانك داخل القلب بشفوق...
لا يخيب ظني فيك عذب السجايا..=ياكاسبٍ(ن)للطيب والمجد برفوق...
عساك تسلم من سهوم المنايا ...=يا عقد لؤلؤ زان لصدور وحلوق...
يا قاهرة بالزين كل الصبايا ...=ياعاسفة للشعر معنى وطاروق...
من عقب سويتي بفكري سوايا...=هاتي من أخرها ترى الصدق مصدوق...
سوقي عليَه من قصيدك هدايا ...=وانا عليك من الهواجيس بسوق...
هاتي مجاريرك وهاتي حدايا ...=جاك الجواب ومنزلك داخل الموق...
ترى قصيدي فيك صافي نوايا ...=لو كان فيه رسوم عاشق ومعشوق...
الشعر وجهه غير وجه المرايا...=ما يكشف لسره ترى كل مخلوق...
بحره عميق وجوف بحره خفايا...=محتاجة لغواص ماهو بمسبوق...
يجلب من الأعماق صدق وحجايا...=ما ينظر لجاهل وعاذل ومصفوق...
واللي مكانه في دروق الزوايا...=يقعد طوال العمر خائف ومدروق...
العز ما يكسبه هايب منايا...=ولا كل ماهو فات بالجهد ملحوق...
لكن على ما قيل بعض الدعايا...=تلعب بعقل اللي من الناس مطفوق...
وعسى الرزايا في قليل الرزايا...=قالوه قبلي كل مخلوق مرزوق...
وأختم قصيدي بالعذر والتحايا...=يا كاملٍ(ن)بالحسن يا منبع الذوق...