القوافل العربية - يا دلعها ويـش أسـوي لا ذكرتـك وانتشيـت

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - يا دلعها ويـش أسـوي لا ذكرتـك وانتشيـت (https://www.alqwafel.com/vb/showthread.php?t=22368)

يا دلعها ويـش أسـوي لا ذكرتـك وانتشيـت

يا دلعها ويـش أسـوي لا ذكرتـك وانتشيـت ** ويش اسوي يا دلعها دام لـي شـوقٍ جهـور
ياخجلها والله انـي لاقـرب عروقـي حكيـت ** وقلت هذي روح روحي بنت حوى وحسن حور
يا ترفها لو توزّع فـي المدايـن بيـت بيـت ** كـل بنـتٍ فالمدينـه صابهـا تيـه وغـرور
يا تواضعها لـك الله فيـك كـم مـره غديـت ** ما رجعت الا وانا في داخلـي سبـع البحـور
ياسوالفها متى ما طـار بـي شوقـي وجيـت ** شفت نفسـي مالـكٍ كـل المبانـي والقصـور
يا براءتهـا بـراءة طفـل فيهـا كـم رأيـت ** نفحةٍ فيهـا صـدوق الـود وانفـاس الزهـور
يـا اناقتهـا ملابسـهـا تـمـام الايتكـيـت ** وبسمةٍ منها علـى همسـه ونفحـات العطـور
يـا شعرهاالليـل لامنـي تهقويـت وسريـت ** ضعت في كل البلاد وضعت في كل العصـور
ياغلاهـا والله انـي فيـك مابعـت وشريـت ** تسري بروحي وانا في جلستي بين الحضـور
يـا حياتـي اقبلينـي عاشـقٍ مغـرم هويـت ** سامحيني واعذريني كان جـا منـي قصـور
والله اني في غرامك بيـن حـي وبيـن ميـت ** في فراقك موت وان جيتي ملى قلبي السـرور
ايه احبك ايه احبك قلتهـا لـك مـا استحيـت ** خلي الدنيـا تـدور وخلـي افراحـك تـدور
يابعد كل البنـات البيـض لـو منّـك شكيـت ** اشتكي بعدك وانا قلبـي ابـد ماهـو صبـور
اجمعيني من بعض حزني وانـا يامـا بكيـت ** واطرحيني في بحـر حبـك وخلينـي شهـور
سافري بي ف الف مينا واقتليني لـو رويـت ** كيف ابروى من حنانك كيف ابلقى لي عبـور
ودي اوصل شاطي احلامي واغني بك ياليـت ** اشعل شموع المحبه واهـدي لحسنـك بخـور
داخلي نار المحبه لو طفـت بـك مـا طفيـت ** داخلي بركان حب يثور مـن وجـدي واثـور
طالعي فيني وتلقينـي علـى الحلـم ارتميـت ** وشوفي احساسي كتبته وانتثر بيـن السطـور
سولفي لي سولفي وان كـان شفتينـي غفيـت ** قولي اسمي لجل انادي سم يـا بـدر البـدور

الشاعر زايد الرويس