ليت الهنوف الحبية مني قريَب=تهنا عيوني بشوفة سيد خلاني
لا من بغاني بحاجة قلت له طيب=وليا بغيته بحاجة تو لباني
رقيقةٍ(ن)قلبها بياض الإحليب=ياليتها ساكنة معي وفأوطاني
ما كان رمش العيون الليلة مشيب=والقلب يرجف وله والنوم ما جاني
مدري عنه كيف حاله عله طويب=له مدةٍ(ن)مختفي واخاف ينساني
افرح ليا هبني من يمه هبيب=برد وسلامٍ(ن)على قلبي وشرياني
احسها من نسايم صدر الحبيب=استنشق انفاسها مع ذار هباني
أعذب من المي من مزنٍ(ن)غدى صيب=يروي عروق العطش لا من تغشاني
قلبي تولع بها حضور ومغيب=ما والله أنسى هواها طول الأزماني
حتى لو إن الزمان وحظي مخيب=في داخل الروح تسكن مالها ثاني
هي حبي اللي عرفته مابه معيب=محيي عروق الفؤاد ونبض لأشجاني
ومهما تغيب الغلا يزداد ورهيب=لكن أنا أقول في منظوم الألحاني
ليت الهنوف الحبية مني قريَب=تهنا عيوني بشوفة ست خلاني