يارمح حظي ليش رميتك بالكاد=لا أنت بتصيب ولا أنت باقي محايد
كل ما رميتك طحت من دون الإمراد=ما صرت مثل أول تغز الثنايد
ما كني اللي كنت من قبل صياد=صارت سهومي ما تصيد الطرايد
كل ما رميت السهم عيا لا ينقاد=والا رجع لي بخيبة الحظ عايد
ماهو بضعف ولا مذلة يالجواد=مير البلا يا وينهن الفرايد
اللي لهن لو سقت رجلي تسناد=ما قلت من دون الغنائم بعايد
أنا عتيبي منسبي راعي أمجاد=ما تردني دون اللزوم الشدايد
لكن زماني شين والناس حساد=كثير منهم ضيعوا للعوايد
إن جئت أعدل وضعهم قيل مافاد=لو كان كل اللي بذلته فوايد
وإن جئت بصبر قل صبري ولا عاد=صبرٍ(ن)على مثلي يعقب نكايد
أخر زمن تسيده خبل ما ساد=وأهل السيادة فضلوا للوسايد
ولى زمان الرمح والسيف وجهاد=هذا زمان الأوسمة والقلايد
روح زمان المجد يا ناطق الضاد=كل يوم أشوف الذل يصنع جدايد
عودت أسلي خاطري وأبدع أنشاد=كنا وكنا صانعين المجايد
يازينها تكوة ودلة وبراد=وأوسع الخاطر بنظم القصايد
يارمح حظي ليش رميتك بالكاد=لا أنت بتصيب ولا أنت باقي محايد

ولى زمان الرمـح والسيـف وجهـادهـــذا زمـــان الأوسـمــة والـقـلايــد


:g103:

مبرووك من الاعماق والى الامام وبالتوفيق يارب...