أنا والليل والهاجس رفاقه=على ذا الحال من مدة طويله
بلا بدرٍ(ن)يونسنا محاقه=ترافقنا خليلٍ(ن)مع خليله
صداقة ما يماثلها صداقه=عليها نجتمع في كل ليله
هويتنا عهود بلا بطاقه=نشيل حمول وهمومٍ(ن)ثقيله
مع الأيام كونا علاقه=روابط بيننا ماهي قليله
أنا أشكي جرح سبب لي حماقه=مسبب علةٍ(ن)فيني جليله
بلاي فراق مضنونٍ(ن)فراقه=محيرني ولا بالأمر حيله
ذبحني بالصدود وباللباقه=وكل غاية تبرر له وسيله
وأنا مفتون به حب وعشاقه=محال أقنع بزيناتٍ(ن)بديله
وليلي يشتكي ظلمة معاقه=تسود سمعته لو هي جميله
أنا والليل والهاجس رفاقه=على ذا الحال من مدة طويله