كانت تسابقني على الجيه=والليله تسابق على الروحه
ما تدري إني بكل ما فيه=مشتاق فيني روح مجروحه
تطلب دواها وحدها هيه=اللي دواها يبري امسوحه
أعشق دواها ميه الميه=ما غيرها حبيت مملوحه
عشقتها طفلة نداويه=وأحبها لو قد صبوحه
لكنها راحت من ايديه=روحة غصب ماهي بمسموحه
لو كان فيها بعض ماويه=حنت على المجرح من نوحه
صارت بدنياها غناويه=وأنا فؤادي يشكي فدوحه
مقسومنا دبرة الاهيه=مكتوب قبل نكون في لوحه
حكمة من الخالق سماويه=روحي عليها دوم ملفوحه
غرامها زود بلاويه=النفس منها شبه مذبوحه
وشلون ترضى يا مداويه=تترك لروحي منك مسدوحه
لو كانت الطعنة بشبريه=أهون على قلبي من الموحه
ياليتها ما عذبت بيه=أرحم على حالي من البوحه
اللي تسم القلب يا خيه=طعنة قهر بالقلب مفضوحه
قالت تصبر برجع شويه=ما كنها إلا راحت الدوحه
الروحة الروحة بلا جيه=ما عودت من عقب ها لروحه

المشاركة الأصلية كتبت بواسطة marmar (المشاركة 172653) يسعد صباحك بكل خير وصح لسانك

المشاركة الأصلية كتبت بواسطة الشريف (المشاركة 172654) صح نبضك والبنان ابدعت كعادتك

المشاركة الأصلية كتبت بواسطة عبير الشوق (المشاركة 172661) مقسومنـا دبـرة الاهـيـه مكتوب قبل نكون في لوحـه حكمة من الخالـق سماويـه روحي عليهـا دوم ملفوحـه غرامـهـا زود بـلاويــه النفس منها شبـه مذبوحـه الأستاذ بن هليل / صح لسانك ولاهنت وصباحك جنائن ورد تليق بهذا القلم تقديري