القوافل العربية - أول علاج الحب إحساسه الحي

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - أول علاج الحب إحساسه الحي (https://www.alqwafel.com/vb/showthread.php?t=20709)

أول علاج الحب إحساسه الحي

مدخل /

حتى ولو غبتي بقى الحب ساكن
..............في داخلي متربع ٍ وسط الأعماق

شوفي عيوني من غلاتك تباكن
..............حتى الدمع ياغاليه طاح مشتاق

صورتك تظهر لي بكل الأماكن
..............قولي فراقك كيف هاليوم ينطاق

آخر دوى فالطب لا شك بالكي
..............إن كان مافادت عقاقير وأعشاب
وأول علاج الحب إحساسه الحي
..............تنقذه من شلفى عذول ٍ وكذاب
وانا جذبني صوت من مسكنه في
..............إللي غرامه سكر ٍ بالشفى ذاب
حبه طفل أضحى يتمتم إغغ غي
..............ومشاعري تضحك حوالينه قراب
مديت يدي ثم مد إصبعه لي
..............ويوم ٍحضنته فاحت زهور وأطياب
صفحة غرامه شامخه مالها طي
..............سطرين منها عادلت محتوى كتاب
وأرض الغلا تحتاج من غيمته مي
..............متى يحس بقلب عاشقه قد شاب
واليوم من بعده هموم الملآ بي
..............وقلبي من أسبابه غدى حيل منصاب
البعد غربه شمسها مالها ضي
..............وصوته مراسيل الوفاء بين الأحباب
من غيرتي سجيت ثم جاتني هي
..............فكره تريّح بال وتهدّي أعصاب
دامه حبيبي ليه مايرحم شوي
..............وأخفيه عن هالناس من بين الأهداب

مخرج /

آهـ من عين ٍ يحاربها المنام .........................
المفارق شوكة ٍ تحت الجفن

لـ الشاعر / فهد العباري