سجلي نبذه من انتاج فكري يايدي = لو ماهي ناتجه من طرب ولا حدا
في زمان الحاضر اللي عن الحق محدي = انتشر ويسابق الوقت دا واشر دا
غاب نور الشمس والليل ليلآ سرمدي = من عقول معطلين الخبر والمبتدا
الغبي يضحك على العبقري قال يغدي = والمعيه معه واللي معه حجه غدا
والله ان المال ماهو علامه للردي = والتفاخر فيه لوحة دعايه للردا
حاسبين اهل الذكر كل مسلم ياولدي = مالنا في زخرف القول من قلب الصدا
كم غدا في واحدآ قلبه ابيض واجودي = بعد كان بصفنا صار اداة للعدا
ناس تسجد لطواغيت لاقيل اسجدي = لو تسابق للمساجد على صوت الندا
ما على باطل بني سحت قبلي وابعدي = من يقول النقل فوق العقل غادي جدا
طاح تمثال الصنم مجدي مامجدي = مسرحية زيف ياحيف تاليف وادا
التتابع ماهو اجماع به يامقتدي = لاتساوون الروايات بأيات الهدا
لامجيد الا الوحي في حروف الأبجدي = معجزاتن ضمنها معجزة تبت يادا
النبي موسى مع الخضر شرط المبتدي = سمه المتحجر اللي بموسى ما قتدا
لااله الا الله اللي عليم بمقصدي = الرمادي ماهو ابيض ولاهو بسودا
ليش اقول الراي الأخر عدوآ معتدي = الخطاء وارد بكل المذاهب ماعدا
سيد الأمه شفيع العباد وسيدي = ياصلاة الله على وجه مرسول الهدا

المشاركة الأصلية كتبت بواسطة الرقيب (المشاركة 168075) صح لسانه ولسانك كايفة ومعبرة خالص التحية

المشاركة الأصلية كتبت بواسطة قوي البخت (المشاركة 168078) جزلة من شاعر جزل مشكور على ما نقلت لنا