ياليل هات الطيف ياليل هاته=خله يسامرني بنومي تعمست
كل حي هاجع بالشتا في مباته=وأنا من البردة بليلي تيبست
الفكر تايه كيف الملم شتاته=ماكني الا جاهلٍ(ن)ما تمرست
ياسرع جياته وسرع انفلاته=ما فادني علمٍ(ن)درست وتدرست
لا من ذكرت اللي كثيرة صفاته=جمح بي الطاروق يمه وكرست
كل المعاني تستقي من حلاته=والشوق يدفعني ليا من تحسست
طيفه يمر بسيته وحسناته=اسامره وليا حكى طيفه أخرست
كل الكلام اللي بفكري لذاته=ياما على طيف الغلا تهت وانحست
ياحلو منطوقٍ(ن)يغازل شفاته=لا من سمعته للمشاعر تحمست
أحب أسولف معه وأسمع شكاته=وأحب يسمعني ليا من تونست
عاشق لطيفه من غلاه وغلاته=ما همني لو تالي العمر وسوست
ياليل هات الطيف ياليل هاته=خله يسامرني بنومي تعمست

المشاركة الأصلية كتبت بواسطة روح القصيد (المشاركة 164989) كل الكـلام اللـي بفكـري لذاتـه ياما على طيف الغلا تهت وانحست الله رووووعة صح لسانك يا استاذ القصيد