ليش خلي مرَّ ما سلم عليَّ=من زعل وإلا من أحوال الظروف
ياعسى ما باس ياعذب اللميَّ=ما هقيت تمر كنك ما تشوف
ليش ما سلمت بالطرف الخفيَّ=كان يمنعك الحيا وإلا كسوف
أنت ما تدري سلامك لي ميَّ=يطفي النيران ويزيل الحسوف
يابعد عمري وبعد لكل حيَّ=ليش ما سلمت وإلا فيك خوف
رد لي جواب علمني بشيَّ=طمن لقلبي من أوهامٍ(ن)تحوف
شوفتك للعين يا فتان ضيَّ=وإن بعدت الفكر تشغله الطيوف
بين بحر وبين شمس وبين فيَّ=أنتظر لك عل ترميك الصدوف
الهوى طاوي فؤادي منك طيَّ=مثل ما تطوي جدايلك الكفوف
جود لي وإلا فديتك بعد عيَّ=وإطعن الخفاق برماح وسيوف
نار حبك تكوي الخفاق كيَّ=ياعسى عقب العنا مد مخلوف
تمرني يا خل وتسلم عليَّ=ما يردك يابعد عمري ظروف

المشاركة الأصلية كتبت بواسطة عبدالرحمن عويض المسعودي (المشاركة 162690) الله الله صح الساااااااااااااااااااااااااانك يابن هليل ويعطيك العافيه تحيااااااااااااااااااااااااااااااااااااتي

المشاركة الأصلية كتبت بواسطة عبير الشوق (المشاركة 162696) استاذي : مع هالقصيده الغزليه الحلوة اقول ان ام العيال لها الحق تزعل هههههه جالسه اشيشها عليك . احسن شي غني لها ( لك حق تزعل ثم لك حق نرضيك ):p

المشاركة الأصلية كتبت بواسطة غرااااام (المشاركة 162705) استاذنا صح منطوقك وسلم نبضك لا تحرمنا من ابداعاتك وما تزعل ام العيال هي الخير والبركة..صادق الود

المشاركة الأصلية كتبت بواسطة نجم العرب (المشاركة 162712) الله الله صح لسانك مدد ماهو عدد مبدع بكل ما تدون خالص التحية