الا ليت وقتٍ(ن)فات يرجع مثل ما كان=يعود زمانك يا نخيل الثوابيًه
تعود سنين الرجع للسيل والغدران=تردها ورود البدو صبحٍ(ن)وعصريًه
زمانٍ(ن)شقا لكن فيه العرب ظفران=يقومون بالواجب ولو هم شقاويًه
زمانٍ(ن)لحقته ما لحقتوه ياعثمان=زمان القلوب صحاح ما تقلب النيًه
زمان الفتى يفخر به الخال والعمان=كريمٍ(ن)شجيع الى دعا داعي الهيًه
زمان الرجال رجال والنعم للشجعان=وذا الحين صار النعم يعطى لجاويًه
زمان الرجوله تنعرف فيه بالورعان=وذا الحين موتى قلوب وأجسادهم حيًه
يصير الولد شايب وهو يقطع المرحان=على قولت الأمثال ما يقهر رعيًه
شبابٍ(ن)ثلاث أرباعهم طارحه إدمان=وباق الشباب ملازمٍ(ن)داجي الفيًه
يبا كل شيءٍ(ن)جاهزٍ(ن)والهدوم الوان=على الواتس طول الوقت من سيه بسيًه
ليا راح في لازم تقل عاجزٍ(ن)كسلان=يجر القدم ويروغ لو شاف له فيًه
كسولٍ(ن)خجولٍ(ن)فيه تشبيه بالنسوان=ويجتر مثل جرة من الذود قوميًه
يمسح لغرة حدها حجة الأعيان=ليا من نخيته قال:تعبان مافيه
صحيح الزمن تعبان والجيل ذا تعبان=خسارة خسارة راح وقت الشهاميًه
أنا من زماني يا هل المفكرة وجعان=لكن العلاج اليوم ما صار بيديًه
أشوف العلوم مروحة ساقة الشيخان=تولى زمام الأمر في وقتنا عيًه
الا ليت وقتٍ(ن)فات يرجع مثل ما كان=يعود زمانك يا نخيل الثوابيًه

هلا بمشرفتنا


صح بدنك وشكرا لردك العذب وتواصلك المشرف

خالص تقديري

صح بدنك يا ابا مشعل


اتمنى ذلك والله يصلح احوال العباد

الوضع عام وليس بخاص

المشاركة الأصلية كتبت بواسطة البدوي (المشاركة 159396) صح لسانك للرضا قصيدة تجمع عصرين مختلفين بيض الله وجهك

المشاركة الأصلية كتبت بواسطة ابن عبود (المشاركة 159402) صح لسانك قصيده وقوف على الاطلال ههههه ولكن لا تتشائم يابن هليل الدنيا بخير ان شاء الله ذكرتني مخطوطه قريتها من كتاب له سبع مائة سنه فيها مقوله لشخص يبدو انه كبير بالسن يشكو الزمان وانه مثل الغريب ومن الجيل الجديد انهم متغيره عاداتهم عن الاباء والاجداد وهكذا كل جيل يرى ان الجيل الذي بعده اقل منه في جميع الاحوال ولكن اهم شئ الحفاظ على الثوابت دمتم بخير