أجمل صباحاتي أصبحك بالخــير=ياللي يغار الورد من لون خــدك
قدام لا تسرح من أعشاشها الطير=أهديك قلبٍ(ن) فيه نبضٍ(ن) يــودك
الك بوسط القلب حشمة وتقـدير=اليوم عندي ماش بالحب قــدك
أنتي ربيع العمـر زهر ونواويـــر=يابسمة الأحلام ما فيه بعــدك
هواك عندي غيـر وأنتي بعد غيـر=هديتك قلبـي وضعتـه بيـدك
وإن صار به تقصير منك المعاذير=ومني وفا يلدا لطيبك ومدك
لأجل عيونك كل ممنـوع بيصـير=أمر تدلل فوق من طاح عنـدك
أجتاز من شانك جميع المحاذير=دامك بلغت من الغلا فيً حدك
أهواك إيه أهواك سيد الغنـادير=بيحت لك سدي وحافظ لسـدك
إسكن خفوقي والحنابا طوابير=حراس من دونك على عرش مجدك
من شرقة الأصباح لا حزة عصير=والليل كله مشغل البال بُعدك
تسرح معي ذكراك وقت الأباكير=وتضوي معي بالليل والحلم مهدك
أربع سنين أتعبت درب المشاوير=أسج فكري بين صيفك وبردك
يأجمل صباحاتي أصبحك بالخـير=ياللي يغار الورد من لون خــدك

المشاركة الأصلية كتبت بواسطة عبدالرحمن عويض المسعودي (المشاركة 156495) صح السانك يابن هليل ومبدع دائما تحيااااااااااااااااااااااتي

المشاركة الأصلية كتبت بواسطة سعيد مرزوق العبد (المشاركة 156496) لا تعب نفسك يابن هليل في مدح مرجانه ههههههههه زوجتها ل عبدالله الغامدي خلاص انسا صح السانك ياعم والله اني تحت امرك ان بغيتها بفلوس ولا بناموس ابداع الله لايضرك

المشاركة الأصلية كتبت بواسطة عثمان الثبيتي (المشاركة 156498) ابداع ابداع يابن هليل صح السانك روعه

المشاركة الأصلية كتبت بواسطة همسات شاعرية (المشاركة 156499) صباحك مبهر بإبداع عذب حتى الإشباع مشاعر جميلة صيغت صح لسانك للرضا سلم بنانك ودام نبض قلمك تحيتي لك

المشاركة الأصلية كتبت بواسطة binhlailبن هليــل (المشاركة 156505) شرفني حضوركم وصحت ابدانكم جميعا يا سعيد مرجانتي غير وسباعتي ماهي قاصرة وأنت ما فيك قصور لا عدمتك تقديري للجميع