الشعر شعرك صوتك وجريته=وكلٍ(ن)على قده يجيب لبوسي
يعجبك لن شلته ولن حطيته=مالك خشير ولا عليك حبوسي
حلالك إن سرحت وإن ضويته=شاعر تعرف الزين والمتعوسي
يهناك يابو زيد ما سويته=مالك ومال النحس والمنحوسي
الدرب واضح وإن حصل لفيته=بيصيدك اللي مراقب المعكوسي
واللي هدفه المدح يخرب بيته=يحسبه ريس والولد مريوسي
كل شاعرٍ(ن)وله بوقته صيته=وكل ناس فيهم بالزمان حلوسي
السيف ما يخذلك لن حديته=يصبح سنانه مثل حد الموسي
والطيب ما ينقصك لن مديته=حتى لو إنك تعطي المجوسي