هجرتني عقب الموده وصديت=في غيبتك شفني حزينه واعاني
وشفيك عني ياهوى البال قفيت=ابكي فراقك صرت واندب زماني
ترد روحي كانك اللحين رديت=وحكم القدر في نار حبك رماني
اشقيتني واتلفت روحي ولاجيت=شمت كل الناس قاصي وداني
بعد غيابك عالي الصوت لجيت=مجني عليه وانت بالحب جاني
والله عنك يالغلا ماتخليت=رسمتك بعيني جميع الاماني
ياعونت الله للمحبه تناسيت=مابين بعينك عطاي وحناني
تسهر عيوني في غيابك وعانيت=بين الألم والآه هذا مكاني
حقك علي ان كان في حقك اخطيت=لو الخطا منك وظلمك بلاني
علمني بذنبي وانا ويش سويت=ياللي غرامك للمواجع دعاني
الله اكبر منك ياما تمنيت=ترد لي عقلي غلبني جناني
الطيب ردة طيب بس انت عييت=صممت تبقى في حياتك اناني
ما تفتكر إني هويتك وحبيت= ما هزني بالحب مخلوق ثاني