سلام عليكم

مساءكم شعر يالغالين

:
:
برقية ٍ عاجله

الوقت قام يحداني من مكان لمكان=وأنعاج حظي وأنا فالدرب منعاج له
أشكي ظروف الليالي يالله المستعان=ماهمّي من العيون النعّس الناجله
وأنا أدري أن الزمن كلّه عبر وامتحان=والطيّب اللّي يحط الطيب منهاج له
ومهما نقول.. الليالي ماعليها ضمان=فأيامنا الماضيه وأيامنا الأجله
والصاحب الوافي اللي فالشدايد حصان=المدح والصيت والتقدير والتاج له
ما أوفيه لو كل ليل أذبح له من السمان=ولو أفرش الأرض طول وعرض ديباج له
يحرجك من كثر مايفعل وسيع البطان=وأن جيت تذكر فعوله تحدث إحراج له!!
يالزاجله وصلي علمي فلان و فلان=وأنتي ماتبغين غير الوصف يالزاجله
مايندر ألا رفيق يشار له بالبنان=ولا يكثر ألاّ الدجل والعام الداجله
وياقلب وقّع قرارك ثم قل للسان=يصدّر أمرك على برقية ٍ عاجله
الصاحب اللّي ماينفعني لاشح الزمان=لا حل وقت الرخا مانيب محتاج له!!

محبكم /عيضه الثبيتي
7/2/1432هــ