قدام انا مغليك واليوم مغليك=حتى لو إنك صرت خارج حياتي
ولولا صفاتٍ فيك ما والله اصخيك=لكن صفاتك ما توافق صفاتي
أنا غيور وغيرتي من حٌسن فيك=وأنتي هواي وغيرتي من غلاتي
وأنتي تبيني لعبةٍ(ن)بين أياديك=هذا بعيد ولا يوافق لذاتي
روحي عسى ربي بفضله يجازيك=برحل والملم من شتاتك شتاتي
يذكرك ربي بخير والله يهنيك=أدعي لكِ(ي)بالخير حتى بصلاتي
ما والله أنسى حسنك اللي مغطيك=القاه ما بين الحكي والسكاتي
مهما يطول العمر ماني بناسيك=ويمكن بعد أذكرك لحظة مماتي
لا تقول أنا بعتك وأنا كنت شاريك=هذا قدرنا والقدر لزم ياتي
ماهو كتب لك لو كرهته بياتيك=وماهو بغيته لو تمنيت فاتي
بكره تعرف بصاحبك من معاديك=راحت هموم وغيرها مقبلاتي
عسى كريم الوجه بالخير يغنيك=يغنيك عن خلقه وهاكِ(ي)وهاتي

مهما يطول العمر ماني بناسيـك
ويمكن بعد أذكرك لحظة مماتـي
لا تقول أنا بعتك وأنا كنت شاريك
هذا قدرنـا والقـدر لـزم ياتـي





00 متالق في قصائدك
تفخر القصائد والمعاني حينما ترسمها بتالق بهذه الصوره الرائعه
وتضع 0 المعاني والحروف في تعبير رائع وتصل الى الروح والقلب برائعة جماليتها
صح لسانك للرضى