وصاتي يامسافر لا وصلت لوجهتك وارتحت=أكون أول من تخبره وأخر واحدٍ(ن)تنساه
تراني من سمعت بسفرتك مع هاجسي سرحت=أخاف من السفر لا يتعبك ويلاه ألا ويلاه
ألا ياليتني معك خويك جيت وإلا رحت=رفيق مرافقٍ(ن)صاحب صديق وكل ما تبغاه
مثل قلبك ودقاته وأسبح كل ما سبحت=أضخ الدم بعروقك وأحس بفرحتك وال آه
ملازم لك مثل ظلك يلوح كل مالوحت=وأكون أقرب من الأنفاس وأشهى كل ما تهواه
أمانه يا مناة الروح طمني ليا صبحت=وتخبرني مسا باللي نهارك معك قد سواه
تراني لو بعيد قريبٍ(ن)وأحس بك لن بحت=بسرك للضمير اللي عسى نبض القلوب فداه
أنا روحي معك لو الجسد مبعد فما بارحت=مكانٍ(ن)ضمنا في عالم الأحلام يامحلاه
أشوفك بارق لشعري ليا من في خيالي لحت=سحائب فكري بشعري ينزل من غزيره ماه
يسقي لك صحاري بالحشا ياما لها جرحت=وتثمر لك غصونٍ(ن)يانعه بالجوف من سقياه
نهايتها ترفق بي تراني في غرامك طحت=وطامع بالليال تزين والقا للغرام دواه
لكن الحظ حادي والزمن مهما صبرت ونحت=لغير اللي كتب باللوح لا يمكن ابد نلقاه
وصاتي يامسافر لا وصلت لوجهتك وارتحت=ماكون أخر من تخبره وأول واحدٍ(ن)تنساه

قمر


هلا فيك سعدت بتعليق وحضورك صح بدنك

المشاركة الأصلية كتبت بواسطة صقـر عتيبـة (المشاركة 134709) أمـانــه يـــا مـنــاة الـــروح طـمـنـي لـيــا صـبـحــت وتخبـرنـي مـسـا بالـلـي نـهـارك مـعـك قــد ســـواه ترانـي لـو بعيـد قريبٍ(ن)وأحـس بــك لــن بـحـت بسرك للضمير اللـي عسـى نبـض القلـوب فـداه أنـا روحـي معـك لـو الجسـد مبـعـد فـمـا بـارحـت مكانٍ(ن)ضـمـنـا فـــي عـالــم الأحـــلام يـامـحــلاه صح السانك يا بن هليل وصاايا فوق الراس كلام جزل من رجل جزل تقبل خالص تحياااااتي صقر عتيبة

صحت ابدانكم جميعا سعدت بحضوركم وردودكم الطيب لا عدمتكم

لكم خالص تحيتي