ما نسيتك بالصلاة ولا نسيتك في صيامي=مشغلٍ(ن)فكري وقلبي عن خشوعي بالعباده
وين ما وجهت وجهي صورتك تعرض أمامي=كنها بثٍ(ن)مباشر ماهي بصوره معاده
ما يتغير وضعها في صحو والا في منامي=اتلحفها والاقيها على وجه الوساده
اتوقع صورتك مطبوعةٍ(ن)داخل عظامي=تنقل الإحساس بنخاع العظام بلا هواده
تشعل الأشواق في واقع حياتي والحلامي=أتمنى وأتمنى مير ما حاصل فياده
ما جنيت الا مواجيعٍ(ن)تزود في سقامي=ما يعالجها طبيب ولا تشخصها عياده
أتبع أطيافك سرابٍ(ن)ما سقا ملهوف ظامي=في متاهات الأمل والنار تاليها رماده
أنطرك فجرٍ(ن)يشع ويكتسح حالك ظلامي=أتأوه من مواجيعي وأفكر بالسعاده
ما جنيت من الغرام الا مواجيع الغرامي=أعشقك والحظ عاشق للمواجع والقراده
ما نسيتك بالصلاة ولا نسيتك في صيامي=مشغلٍ(ن)فكري وقلبي عن خشوعي بالعباده