بمناسبة عيد علينا عاده= رب العبادالواحد المعبودي
رب العباد الواحد المتصرف= اللي لوجهه طاعتي وسجودي
حثيت شعري والفرح يغمرني= وصخرت بيته واقتدح بزنودي
ونقيت جزله والجزل من طبعي= وجنبت هزله خوفة المنقودي
مثل الذهب صافي ليا صرفته= يرجح بميزان الوفا ويزودي
والتهنيه مني لزوم وواجب= حق علي وماقفي مشهودي
قلبي على شوف الجماعه مشفق= والحمد لله جمعة اهل الجودي
مبروك عيد جمع اهل الطاعه= اهل الكرم والماقف المحمودي
عاداتنا وسلومنا ماتنسى= وحنا على مارسموه جدودي
واللي تناساها ولاهي همه= اشبه بما قالوا قليل الفودي
يامرحبا فاالليله المبروكه=ترحيبة بالمسك والكمبودي
ترحيبة تسوى كنوز الدنيا= باخماس ربعي غاية المقصودي
الاد ثابت محتمين التالي= كلام صدق وثابت بشهودي
يانعم بثبيت الوفا والقاله= يااهل الحميه محزمي وعضودي
تكفون عزوا صفكم ياربعي= لاتفرحون الشامت المجحودي
عدوكم لايلتقي له ثغره= خلو طريقه يمكم مسدودي
قال المثل حزمة حطب مصلوبه= قوة بعضها والخبر موكودي
وان فرقت ضعفت وصارت سهله= بيدين من يسعى لكسر العودي
انتم سلالة طيبين المجنى=احيو سلوم اللي بوسط لحودي
ومشكور من يسعى على جمعتنا= اللي يحث الجهد والمجهودي
في مركز اهل السيل يسعى جاهد= كرس جهوده ماقفه مشهودي
والله يحفظ موطني والقاده= الشجره اللي تنتسب لسعودي
وختامها عيد الجميع مبارك= الله يعيد فوقنا ويعودي
وصلوا على اللي مرسل للامه= عداد ماهبت هبوب النودي

حرفٌ أتقنتَ عزفُه علَى وَتَرِ الِإبْدَاعٌ
دُمْتَ مُتَأَلِّقَاً

..

تَقَبَّلْ حَرْفِيَ اَلْمُتَوَاضَعْ
لَكَ تَحِيَّاتِيْ




~ قَلَمْ يَكْتُبْ أَلَمْ .