تقول أمي تخاصمني إذا كلمت بالجوال=وأنا مقوى زعلها كيف أسوي بيش تنصحني
تراقبني وتسألني من اللي معك بالف سوال=أخاف أكذب عليها وإن صدقت أبوي يذبحني
وأخاف إن كان ما رديت فوقك تقطع المرسال=وأخاف إن كان جاريتك كثير الحكي يفضحني
أخاف إنك تجنني وأخاف من الزمن والحال=أخاف أنسى وأخاف أذكر غرامٍ(ن)دوم يجرحتي
أخاف إن قلت لك أهواك أكون أكذب بما ينقال=وأخاف إن قلت لك مشغول قلبي ما تسامحني
وأخاف إن قلت لك:ما أبيك وأنا خافقي ميال=أكون أخدع شعوري كيف أسوي..وش يريحني؟
وأخاف إن قلت لك أموت فيك الحلم ما ينطال=نزيد الجرح جرح وماضي الذكرى تشرحني
أخاف إن جيتك بكلي أزعل أسرتي والخال=وأخاف إن كان ما جيتك قوي الوجد يطرحني
أخاف الناس تشمت بي ليا جازفت بالأفعال=وأخاف إن كان ضحيت بك ما القا ما يفرحتي
أخاف الوقت يغدربي وأطيح بعالم الأنذال=أخاف الحظ يعثر بي وأطيح بعين مادحني
أقول أمي تحذرني من النصاب والمحتال=تحذرني من اللي لو زعل من ماش سرحني
تقول أمي تخاصمني إذا كلمت بالجوال=وأنا مقوى زعلها كيف أسوي بيش تنصحني