تعال نكتب بالمشاعر وثيقة=بيني وبينك وأنت للروح مالك
بعطيك من بوحي مشاعر رقيقة=تروي ضماك وكل مابي حلالك
أمر تدلل هذي أفضل طريقة=تملك بها قلب يموت بدلالك
اسبر حشاي تبان لك الحقيقة=تعرف بروحي كيف سوي جمالك
شب الغرام بكل نبضة عميقة=أحسها بتسوقني للمهالك
حريقة يا طيبها من حريقة=بسبابها كل الفؤاد استوى لك
حتى غديتي للمشاعر رفيقة=أخاف هجرك وأتمنى وصالك
لو كان بعدك ترك(ن)في ضيقة=الله يفرجها ويقرب مجالك
تعال نكتب بالمشاعر وثيقة=بيني وبينك وأنت للروح مالك