على الوعد ما جيتكم يا غلا صدف=ناح الهوى بصدورنا نوح ورقا
خطفت فكري قبل ماشوفكم خطف=واليوم صار الحال عن قبل فرقا
باللحظة اللي عانق الكف للكف=صارت بطون يديننا حيل عرقا
حسيت كن القلب فيني توقف=من فرحة اللقيا وخوفٍ(ن)لفرقا
كل شيء فيها يا هلي يعجز الوصف=ما ظن مثله بالبشر غرب شرقا
سحر فؤادي يا هلي ناعس الطرف=أمست عروق القلب بلحيل حرقا
يالله يا معبود ياواسع اللطف=عقلي غدا منهوب من عين طرقا
نهبه زين العود والذوق والظُرف=أخذه عنوة غصب ماهو بسرقا
قفا وأنا مجروح في داخلي نزف=كن الكوايا فوق كبدي تعرقا
يهناك ما سويت يالمولع الترف=ملكت عرش الروح يا زين وإرقا
سلمت لك قلبي وفكرٍ(ن)قبل صلف=غشاه نوك فيه رعدٍ(ن)وبرقا
أطعمتني من نار وأسقيتني لهف=أمست عروق الروح بلحيل شرقا
هذا سبايب ما ترا بي من النحف=هواك طوع راس روقٍ(ن)وبرقا
باللحظة اللي عانق الكف للكف=صارت بطون يديننا حيل عرقا