بادريني بشتياقك بادريني=يشعل الأشواق في روحٍ(ن)تودك
جمعيني من شتاتي وأنثريني=فوق جمرٍ(ن)مشعلٍ(ن)وجنات خدك
بالحنان وبالمودة دثريني=تسكن اللوعات لا حست بيدك
يا غناتي من عطورك عطريني=وإزرعيني بالحشا من خلف نهدك
أكتبيني بالخفوق وفسريني=في كتابك سطري هزلك وجدك
في عرقوقك في كيانك بعثريني=افعلي ما تشتهي محدٍ(ن)يردك
بعدها باللي تودي اسحريني=لا تخلي شيء من عزمك وجهدك
وإن قنعتي من وجودي دمريني=نار في قربك ولا جنة ببعدك
من يمينك لا شمالك دبريني=ماعشقتك لأجل أقول اليوم حدك
غايتي برضاك دامك مشتريني=والك مني عهد مهوى حي بعدك
دام أحسك بالغرام تحاصريني=لو شربت السم قلت السم شهدك
لا رضيتي يا غلا لا تشكريني=لو أقدم كل عمري ما يسدك
ما مضى من عمر قبلك أعذريني=ضاع مني يا غلا قدام مدك
المنى كل المنى لا تهجريني=يا غناة الروح محد اليوم قدك
بالنهاية صرت أسيرك وأمريني=والجواب أقول لك أبشر بسعدك
بادريني بشتياقك بادريني=يشعل الأشواق في روحٍ(ن)تودك

المشاركة الأصلية كتبت بواسطة ابن عميش (المشاركة 115619) بن هليل يشرفني ويسعدني ان اكون اول من عانق هذه القصيده الرائعه والمميزه والمتالقه صح لسانك وبيض الله وجهك لك تحيتي وتقديري الخاص

المشاركة الأصلية كتبت بواسطة القنـــــاص (المشاركة 115625) ابن هليل صح لسانك مدد ماهو عدد رائعة بكل ما تعنيه الكلمة الله يعطيك العافية

المشاركة الأصلية كتبت بواسطة قمر الحجاز (المشاركة 115627) شاعرنا المبدع صح لسانك روعة ربي يحفظك تقبل خالص الود والاحترام

المشاركة الأصلية كتبت بواسطة صاحب المعالي (المشاركة 115630) صح لسانك مليون ولا يكفون رائعة لا هنت بيض الله وجهك