سلام الله عليكم بعد غيبة طولت بالحيل = عسى ربي يجمعنا على عز و عبودية
و الا يالمرزم اللي تلحق الجوزاء توال الليل = توقع لا تهور و انتبه و النية النية

هلا يا مرحبا بالشاعر اللي ناطح(ن)له سيل=يحسب السيل ما يقدر يهد عطاف مبنية
دخيلك يارفيقي لا تخرب مسرح التمثيل=لاتكشف قصة أبو زيد مستورة ومخفية

يدوم لك البقاء و انته سوات السيل يوم يسيل = لكن السيل ما يثّر في بحر و لا يجي زيه
اشوف الناس منحرفه تحول عدلها للميل = و اشوف البدو قامت تعرف تسولف بحنيّه

يقولون السياسة ما تزين الا مع التحليل=لها تسعين وجه وصدقها واحد على مية
كثير من المصالح ما تحق ياولد بالقيل=تبا رجل(ن)سياسي ينقض لعقدات ملوية

عطيتك راس علمي باقي آعلمك بالتفصيل = اقودك يالعمى مار البلاء رجلاك ملويه
اشوف ان القمر غطى على نجم الجدي و سهيل = ولا توثق بمن خلف الجهاز يجيك ببليه