في توال الليل مدري عند مافج الصباح=الله اعلم!!!في ظلام وساعتي متوقفة
زارني ضيف(ن)ليا زار المعزب فالمراح=لا يبا دعوة دخول ولا يبا زود كلفة
قال عندي علم خافي قلت سرك مايباح=دام سرك في ضميري مابن امه يكشفه
قال مخلوق(ن)تحبه شد عن دراه وراح=والمكان اللي نزل به يعلم الله ماعرفه
ون قلبي ونة اللي صابته علط الرماح=من يمين الفارس اللي لا رمى صاب هدفه
استباح الضيف مخزون السراير لين ساح=دمع عين(ن)في لذيذ النوم قامت تذرفه
لي ثلاث سنين سالي واحسب القلب استراح=واثر قلبي صعب دورات الليالي تخلفه
المواصل صعب والفرقا هي السم الذحاح=والرحيل يسم دم المهتوي وينشفه
قمت من نومي سريع بكل مابي من جراح=قلت اواجه صاحبي نص المسافة و أوقفه
وارتجيه بدمع عيني قبل تجريد السلاح=يمكن انه لو يرى دمعي يغير موقفه
واحمد الله زال هم القلب وازداد انشراح=بعد ماشفت البلد بأنوار خلي مشرفة
اثر ضيف(ن)زارني يهوى التسلي والمزاح=مار ياشين المزاح اللي على هاذ الصفة

المشاركة الأصلية كتبت بواسطة عطر الليل (المشاركة 110760) صح لسانك قصيدة رائعة ربي يسلمك

المشاركة الأصلية كتبت بواسطة الرقيب (المشاركة 110762) يا سلام عليك قصيدة جميلة صح لسانك مليون ولا يكفون