الضيقـه اللـي بقـلبـي مـانـوت تسـري =هاض الحنين وذكرت الحب وجروحه
ضميت غـدر الزمـن باقيــده هـجـري=بنيـت قصـر الألـم وتعـالـت صروحه
شابت حروف المعاني والعمـر بدري=خطيـت تاريــخ ميـلادي على لوحـه
واشوف همي بقا وارتاح في صدري=كني غريــب لفى فـي ناظـره دوحـه
عذري جريح المشاعر والعنا عذري=عـزي لقـلـب طريــح عـذبــه نوحـه
هــذا عـذابـي وهـذا ماقتــل شعـري=جمر المحاني لضى والنار في بوحه
جــورالليــالي معنيـني وذا غـدري=ذابت عيون الامل جيـه على روحـه
ضميت جرحي بقلبي والغثاء فطري =يكبـر وأنا اخايلـه في نبـرة و فوحه

الضيقة اللي بشعرك قصرت عمري=ياليتها من قصيد الترف ممسوحه
تغير النبض في قلبي وفي فكري=ساعة سمعت الألم من صوت مبحوحه
ما داعي الجرح وأنتي عشقك عذري=توك بعهد الصبا يا بنت مملوحه
إرمي همومك بلا رحمة على بحري=وإخذي بقايا فؤادي بكامل فروحه
هذا فؤادي وحبك داخله يجري=ضمن الحدود التي وإياك مسموحه
بسمع سواليف عمرك وإسمعي سري=سوالف(ن)بيننا بالشعر مشروحه
الليل يسري وانا ببيع به وأشري=وأكبل الجرح في جوفي مع قروحه
بغني السامري وأغني الحدري=وأصعد شموخ العلا وأعانق سفوحه
ماغير أنا والغلا والشوق والبدري=نكتب قصائد غرام بليل مشفوحه
نقطف ورود التصافي والهوا يذري=لو المشاعر على ما قيل مفضوحه
لأجل الوعد ما توخر بوفي بنذري=ننسى زمان الشقا ونعيش بحبوحه
اليا تلاقا جميل الشعر بالحبري=عذب القصائد على ماقيل مسدوحه
يازهرة الورد كيدي زهرة السدري=كل يدور على شفه ومصلوحه
من لايقدر ظروف الوقت ما يدري=إن الزمن ينهي المسكين وطموحه
هذي حروفي على وجه الزمن نقري=منحوتة من صميم القلب ومزوحه
لبستها بالوفا والعز والطهري=الشعر خلجة مشاعر تعكس وضوحه