ياليل لا تقلب علي المواجع=راح الجميل ولا بقا غير ذكراه
إسمه وعنوانه بوجه الطوابع=وبعض الحروف اللي كتبها بيمناه
مر الزمن والوقت قام يتسارع=أوله آه وبأخره آه ثم آه
اللي مضى ياليل ماهو براجع=حتى لو إني كل يوم أتمناه
أقفا بعد ما قال لي منت نافع=يا قدرة الله كيف تنطق بها شفاه
بين السما والأرض والبون شاسع=الشرق وش يجمعه مع غرب يجفاه
حط الحواجز بيننا بالتقاطع=بنا سدود وهد ماهو بنيناه
شطب على تاريخنا بالمراجع=غير معالم كل ماهو حفظناه
ضيق علينا كل ما كان واسع=حتى الفضا وده يقفله بيداه
منع موازين العدل للترافع=الحكم جاهز قبل تعيين لقضاه
كل الهدف يزيد بس التنازع=حتى نضيع بسابق الوقت وأتلاه
لأجل نعيش بجو كله زوابع=نكره بعض والغرب بيحقق مناه
ننسى زمان جدودنا والمرابع=كل على ما قيل يبكي لليلاه
ليا ضاع فكر القوم ما سواه ضائع=الحلو يصبح مر لو كان محلاه
ليا كان وصل الهدم حتى الجوامع=من بعدها لا عاد نشكي معاناه
ياليل قرب لي فراش المضاجع=بحط راسي وأترك الأمر لله
ياليل لا تقلب علي المواجع=راح الجميل ولا بقا غير ذكراه

بن هليل

صــــح لسانك وعلا شانك


الله قصيده في قمة الجمال وروعه

أبداع وتميز

سلمت يمينك بما قدمت


تقبل تحياتي

صح بدنك ولا هنت



سعدت بردك بارك الله فيك



لك خاص تحيتي

صح بدنك بارك الله فيك



لا عدمتك



لك خالص تحيتي

بارك الله فيك



سعدت بردك الطيب وحضورك المميز



لك خاص تحيتي

سالم وغانم بارك الله فيك



سعدت بحضورك الطيب وردك الراقي



لك خالص تحيتي