دمعة في محجر العين وقفت=هي رسول القلب لقلوب البشر
ليتها من محجر العين ذرفت=عل عيني ينجلي فيها النظر
من بعدها حس عيني ما غفت=تنتظر والقلب بالجوف إنفطر
حركتها كلمة(ن)منك لفت=جاتني عنوان بارز للخبر
من بعدها بهجة الوجه إنطفت=والجروح بداخلي أدهى أمر
شمس عمري أشرقت ثم كسفت=والخسوف أقبل يغطي للقمر
الزهور بروض حلمي نشفت=جف نهر الروض من قل المطر
والمشاعر داخل الصدر لبست=السواد وحرمة ريح العطر
والقصائد من معاناتي بكت=كنني في يوم ما قلت:الشعر
جيت أعبر والمعاني ما كفت=صار جفوة بين قلبي والفكر
كيف بقنع روحي اللي مهتنت=وين بلقا عذر ما تقبل عذر
كيف بهدم حلمها بعد بنت=له صروح(ن)زينتها بالدرر
كيف بسلبها غرام(ن)قد هوت=كيف بقنعها بمكتوب القدر
كيف أحملها بذنب(ن)ماجنت=كيف أجازيها على الصدق بغدر
كيف أغير حالها بعد أذعنت=كيف ببعث حلمها بعد إندثر
كيف ياقف نزفها بعد نزفت=كيف يرجع نبضها جوف الصدر
سقتها خلف الظنون ولاسكنت=ما جنت من رحلتي غير القهر
وردي الأحلام للروح طعنت=سجلوها عبرة(ن)بين العبر
الظروف القاسية غصب حكمت=قيدتني لين ضيعت البصر
ليت عيني يوم بدمع أمطرت=ما يوقف دمعها بعد إنحدر
قربت ساعات فرقانا دنت=والقدر ماعنه بالدنيا مفر

صح بدنك ولا هنت



سعدت بردك الطيب



لك خالص تحيتي

صح بدنك بارك الله فيك




سعدت بردك الطيب



لك خالص تحيتي