يابن عبيان البدو من دهرها=قامت تطب السوق وتبيع بنجاش
الوقت جاير والعرب من قهرها=حلالهم جابوه من غير حواش
وأحيان أقول البدو زايد بطرها=تبا تبيع البل من شان فشفاش
وأحيان أقول البدو ربك جبرها=القطر وقف والزمل مات ما عاش
زمولهم معروفة(ن)من جررها=واللي تدوس الشوك تحتاج منقاش
والا العيون اللي حديد(ن)نظرها=ماهي بحاجة يافتى نقش نقاش
والأرض ما جفت حقيق(ن)مطرها=السيل سال وشال من دربه قشاش
واللي يخلي زرعته ما سبرها=يطب فيها السيل وتظلي دشاش
والليلة القمرا يبين قمرها=يشع نوره طول ليله ليا أغباش
والصبر زين ولا تعجل قدرها=بكره يبان العلم والظفر واللاش
ليا راحت العربان تنقل سيرها=فلان هاش وصاحبه ذل ما هاش
قامت تشب النار ويقدح شررها=بالسيف والبندق وخنجر ورشاش
الاد ثابت عزوة من ظفرها=أخذوا زمام العلم ومدوا فراش
وليمة(ن)وثبيت مدت سفرها=جابت صحون الحول ماجابت كراش
واللي تسده غيبته ما حضرها=تلمع عيونه كنها لمعة فلاش
لو طب بالميدان وفتش صررها=أما طلع مديون والا ربح كاش
عند اللزوم قروم ترمي غترها=تنحر سمان البل وسمان الأكباش
الله يرحم عودنا اللي ذخرها=أهل الوجيه البيض وأبيض من الشاش
تحمي مواقفها وتحمي ديرها=الوبل عقب سيل ما يسيل رشاش

بن هليل

صح السانك قصيدة وافية وكافية جميلة ومميزة

جزله من رجل جزل ننتظر جديدك

تقبل تحيااااااااااااااتي

صقر عتيبة

وهك أبيض بارك الله فيك



سعدت بحضورك وردك الطيب



تقبل خالص الود

صح بدنك ولا هنتي



جملتي النص بهذا الرد الرائع



بارك الله فيك



والله يسلمك


لك خالص الود