مشـتاق لك بالعيون أشــوف=إن كان لا زلـت لي فــاكر
أحـس لي حــــرقة بالجـــوف=بتحرك الشعـر والشـاعر
ودي أجي لك وفيني خـوف=أخـاف لا تكسـر الخــاطر
وجهي بعد غيبتك مخطـوف=طـول الليالي وأنا سـاهر
صورتك عندي عليها أطـوف=بالليـل وإلا صبــح بـاكر
يا صاحب الطيب والمعــروف=أنـا لكـم بالوفــاء شــاكر
لو ما حداني شديد ظـروف=جيتك ولـو بالقـدم ساير
ودي بقربك على المكشـــوف=دام الهـوى بدمنـا فائـر
قبل يطـول الـزمن ونعــوف=وإلا غـدر والزمن غادر
العمــر له بهجــــة وطيـوف=خلك نبيـه وأنـا شـــاطر
أتعبت روحي بكثر حسـوف=الفكــر ثـائـر وأنـا ثـائـر
انتف بشعري وأدق كفـــوف=على الجفـاء ماني بقـادر
ولت ليـالي الســعد يا نــوف=واتعبتي الصـبر والصابر
يا حيف وش غيرك يا حـــوف=بعد الهناء صرت لي قاهر
الشمس غابت عليها كسـوف=وإلا تـوارت وراء المـــاطر
عسى التعب والشقـا مخلوف=واللـه على أحوالنا سـاتر
هــذي رســالة بلا مظــروف=جايتك مــرة على الطائر
مني تحيـــة برمـز حــروف=إمضائـي واضح أنا جابـر
بزيد صبري ولو ملهوف=وبنتظر ردك الاخر
عطني جوابك بلا لفلوق=غامر وأنا بعد بغامر
لو كان تاصل لبو معطوف=تلقاه عندي من الفاخر

المشاركة الأصلية كتبت بواسطة المستشــار (المشاركة 44899) يا سلام عليك مبدع صح لسانك وعلا شانك نص راااااائع لك التقدير

المشاركة الأصلية كتبت بواسطة نجم العرب (المشاركة 44909) الله عليك مبدع صح لسانك تقبل مروري

المشاركة الأصلية كتبت بواسطة عذبة الالحان (المشاركة 44924) صح لسانك ويسلمو هاليدين دائما مبدع بكل ماتكتبه يداك متشوقين لجديدك

صح بدنك يالغالية

عطرتي القصيدة بمرورك

وزيمتيها بردك

لك

اجمل تحية