الاد ثابت عزوتي بكل الأحوال=ما دام هم ظلي فلا أخشى مهونه
الاد ثابت عز للراس وظلال=لو موجو فوق الحصا يطحنونه
رجالهم يعدل ثمانين رجال=منهو نخاهم عز ما يخذلونه
صغيرهم فتال للراي حلال=وكبيرهم قيف(ن)منيعه حصونه
الورع منهم يشفي النفس لا حال=دون الدخيل اللي كثيره طعونه
والجمع منهم مثل موج(ن)ليا جال=منهو تنصاهم عسى الله بعونه
أهل العلوم الطيبة قول وأفعال=اليا بدو في لازم(ن)يدركونه
أهل المثايل والحكم بأول وتال=مثل الذهب من فكرهم ينحتونه
بالجود مثل الغيث همال همال=وقت الشدايد خصمهم يوجعونه
سيل(ن)ليا منه تحدر بمسيال=منهو وقف في دربهم يغرقونه
اليا تناخو كلهم شيب وعيال=يا ويل منهو بالزمن يهجمونه
لا هانت الأنفس ترى ثبيت عقال=العلم بالحكمة عدل يازنونه
وإن شانت الأنفس ترى ثبيت جهال=ياطون فوق الخصم ما يرحمونه
من طال فوق ثبيت يقصر ولا طال=يا كم خشم(ن)شامخ(ن)يفركونه
ما يحسبون حساب لأرواح وأموال=من دون ماقفهم رضا يرخصونه
هذا تراه إنذار مرسله مرسال=للي من العربان عميت عيونه
يا جاهل(ن)بثبيت هون على البال=الاد ثابت مجدهم أنت دونه
منته بواصلهم ولو قلت يا لال=اشفق على حالك وكثر غبونه

المشاركة الأصلية كتبت بواسطة كامل الأوصاف (المشاركة 25279) حجز ملكي رد أميري صح لسانك وعلا شأنك والنعم مليون ولا يكفون قصيدة جزلة من شاعر جزل لك تقديري

المشاركة الأصلية كتبت بواسطة عساف الأصائل (المشاركة 25284) الله الله راااااااااااااااااااااااائعة صح لسانك والنعم فيكم لك تقديري