يابنت ياراعية الكرم والجود=جودي لنا من جودك جودي
دام الوفا ما بيننا ممدود=حبل الوصل خليه ممدودي
نبا المباخر تشتعل بالعود=يا طيبها عودك على عودي
لكن انا يابنت راعي زود=ناري تشب بقدحة زنودي
النار ليا قربت من البارود=شبت لهايبها ببارودي
لكن شيء يجلب المنقود=بيني وبينه واضع قيودي
يا بنت قولي روح والا عود=بعد عرفتي ويش مقصودي
وليا وصلني منك المردود=برد لك يا بنت مردودي
أما تعالي يمنا بسنود=والا ترى ما عنك منشودي
يابنت ماني فوقك محدود=عارف مداي وعارف حدودي
لا صار دربك عننا مسدود=ماني بسالك درب مسدودي
أنا سحابي لا زهم برعود=نوي تسابق برقه رعودي
قولي وفعلي ثابت بشهود=إن كان ودك تنشد شهودي
ماني بلا جاحد ولا مجحود=مافيه شيء يوجب جحودي
ياما ركبنا من بنات القود=وياما عليها شددت شدودي
وياما قنصنا من السباع فهود=وياما ذبحنا كل مفرودي
وياما غزينا والرخوم قعود=محد(ن)عرف يا بنت بسدودي
وياما سرينا بالليال السود=ما ردنا حر(ن)ولا برودي
وياما سهرنا والعباد رقود=من كل طيب نكسب الزودي
مافيه يوم ضاع لي مفقود=من يوم أبوي وجدي وعودي
هذي عناويني وأنا موجود=أمجاد وارثها من جدودي
وختامها يالله يا معبود=تلطف بحالي داخل لحودي

المشاركة الأصلية كتبت بواسطة المستشــار (المشاركة 65615) يابنت ياراعية الكرم والجود الله الله ابداع بلا حدود سعدت بأن أكون أول من يصافح هذه الدرة التي رسمت الشموخ في ثوب الخطاب والحوار مع الطرف الأخر ليس بمستغرب من مهندس الكلمة دمت لنا ودام عطاؤك لا عدمناك تقبل خالص التقدير والاحترام

الذوق منك وفيك


سعدت بهذا الرد المعبر


عطرتي الصفحة بمرورك الرائع وتواجدك المميز


لك خالص الود

تحيتي

صح بدنك ولا هنت

سعدت بردك

لك خالص تحيتي

الف شكر لك


سعدت بردك وتواجدك


لا عدمناك

لك خالص تحيتي