القوافل العربية - طرق الزير : يا مرحبا رحب ما خصه ولا حده !!!

صفحة 3 من 3

عرض 40 مشاركات من هذا الموضوع لكل صفحة

القوافل العربية (https://www.alqwafel.com/vb/index.php)

- قوافل محاورات الأعضاء الشعرية (https://www.alqwafel.com/vb/forumdisplay.php?f=22)

- - طرق الزير : يا مرحبا رحب ما خصه ولا حده !!! (https://www.alqwafel.com/vb/showthread.php?t=12762)

سعد حميد الثبيتي

08-01-2010 11:15 PM

رد: طرق الزير : يا مرحبا رحب ما خصه ولا حده !!!

الله الله ياابن هليل بيض الله وجهك واستلم

binhlailبن هليــل

08-01-2010 11:22 PM

رد: طرق الزير : يا مرحبا رحب ما خصه ولا حده !!!

صح لسانك يا بو فواز وفيت وكفيت واستلم غط البيت

وعساك سالم جا ما كفى بيض الله وجهك

سعد حميد الثبيتي

08-01-2010 11:30 PM

رد: طرق الزير : يا مرحبا رحب ما خصه ولا حده !!!

بيض الله وجهك يابو عبدالله وعسانا بس جملنا معك والا انت بحر غزير وعلى قول المثل السالم منك يضلع

وكلامك ياطويل البقا والسلامه ختام ولا عندي افضل منه الله يقويك للعلم الغانم وتصبح على خير

سعد حميد الثبيتي

08-01-2010 11:33 PM

رد: طرق الزير : يا مرحبا رحب ما خصه ولا حده !!!

احيي اخي وحبيبي في الله صقر عتيبه على طيب المتابعه وبذل الجهد في التنسيق

له مني جزيل الشكر والعرفان

صقـر عتيبـة

08-01-2010 11:36 PM

رد: طرق الزير : يا مرحبا رحب ما خصه ولا حده !!!


	بن هليل يا مرحبا رحب ما خصه ولا حده بالعزوه اللي قريب ونازح الديره=من هاجس(ن)يازن المعنى على كيفه وإن جالنا معتدي والله مانهابه السيف بالكف وقت الحد بنحده للخصم والا على ربعي فلا ديره=واللي يقصر يترحيبه على كيفه وقت النهايب لك الله يغدي نهابه راع الصدق دام البقا يا وفي(ن) يوفي المده بالشاعر اللي على الهاجس نقر زيره = من فارس(ن) فالمواقف نومسه سيفه اللي بوقت الشدايد بان مضرابه من دار سيفه على ربعه وجب مده لله مايجرع الما من برد زيره = وان هاج موج البحر ما احدن قرب سيفه واللاش لو هو ضري بالخبث مااضرى به بن هليل طال العمر والبحر ياصاحبي عده لا تقرب الموج وإحذر من محاذيره=يا شاعر(ن)بالبحر تغرف مغاريفه مثل الزلامي ليا لالى على حرابه والتاجر اللي غلط في سلمه وعده كيف البصيره بعد قافي محا ذيره=طاح المطر يابدو منهو بغا ريفه زان الحيا والمطوع جوف محرابه راع الصدق سبحت فالبحر وانا للبحر قده سباح ماهر ولا تفجع بوابيره=والحوت في غبته عندي مخاطيفه رجل جري فالمجابه مااحسب حسابه ياراعي العلم لاجبت الخبر قده نعرف بني الحارث ووادي بوا بيره=والبرد ركب ودور له معاطيفه والادمي عند ربه ياجد حسابه بن هليل الرجل معروف من فكره ومن سده والسمن معروف لو يخلط على غيره=ومن خش في داخله ظنه على خيفه أقل شيء من الظنات يدرى به لا تعترض سيل طافح من ورا سده لا تقرب ثعول نون جاتك مغيره=ومن حج وأمسى منى لا مر مع خيفه العج فوقه ترى محد(ن)بيدرا به راع الصدق ترى الجمل لو تعصوى يطرح العده ويصير جماله من الهم في حيره = والصقر معروف ماتجهل تواصيفه والرجل معروف لو هو يفتل اشنابه هذا كلام (ن) وعده ياولد عده واالي نزل حيرته يعرف هوى الحيره=والنجم ابو برد قفا وابتدى صيفه واللي شنا ربعته لابد نشنابه بن هليل بنشدك يا صاحبي والعلم لي وده قس النصارى هجر داره على ديره=ما عاد ينشد ولا شفنا لهم شيفه مدري وش اللي حداه ويش وصى به واللي يودك وجب تقديره توده ومن دار لك القفا مقفاك له ديره=والزاد معروف من نوعه ومن شيفه وليا توصى بكم بالله توصى به راع الصدق ياجعلها روحة مقيط(ن) بلارده وش ترتجي من جحا والا مساميره=والعمله الصاحيه ماهي كما الزيفه لوحولها حال ماواحد تزكابه ياكبر هرجتك هذي ياولد رده مااجهلك ياليل لوكثرت مساميره=والزوف فالكبد يورث قلبه وزيفه ياضلع نعرف مغاراته مع زكابه بن هليل ودي احمل بعير البدو وأشده كرمان لعيون مستورة على منيره=وعقولنا صاحيه وقلوبنا نظيفه والبيت عان الجرس محطوط في بابه دام الحبل قاضبه برخيه وأشده والنور ما ينطفي والكهرب منيره= من ضافنا لا دعانا لازم نضيفه والرجل فيه الشبه من عمه وبابه راع الصدق دام مخطوم ووسومه على خده اضمن انه برك مايقضم الشيره=عاف زاده وعذر في مواليفه ولايفز ان لمس عرقوب ركابه مير ياطارد الضبان مع خده كان شاورت حذرا تترك الشيره=جسم الانسان يعرف حكة الليفه لو الانسان فوق الجسم ركابه بن هليل سمعتك تقول هذا صاحبي بده نبا نحكه ونعرف كيف تفكيره=والعلم مثل الذهب لا زان تصريفه والصقر يشلع بمنقاره ومخلابه أنا أعرف الرجل وأعرف ساسه وبده وأعرف قليل الأصل منفاخه وكيره=هذي حقيقه ولاهي بس تصريفه بعض البشر مخه يعادل لمخ لابه

ابن عميش

09-01-2010 03:21 AM

رد: طرق الزير : يا مرحبا رحب ما خصه ولا حده !!!

بن هليل

راع الصدق

بيض الله وجيهكم على هذا التألق

والابداع المميز ماشاء الله تبارك الله

نقشتوا حروف الابداع بجنيهات الذهب

الذي يعجز عنه كل صراف انتم اهل

لهذا التميز من عصور جدودنا الاولين

تقبلوا تحيتي واعجابي الشديد بهذا

الطاروق الناري ...لكم التقدير

سعد حميد الثبيتي

09-01-2010 07:04 PM

رد: طرق الزير : يا مرحبا رحب ما خصه ولا حده !!!

الابداع الحقيقي هو تشريفك لنا ومرورك العطر تقبل تحيتي بكل ود واحترام

الساعة الآن 05:23 AM

صفحة 3 من 3

عرض 40 مشاركات من هذا الموضوع لكل صفحة

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w