ياالله يا عالـم بجهـر وخوافـي
يامن ليا منـي دعيتـك تجيبـي
اسألك يا رحمن ستـر وعوافـي
وأكتب لي الجنة بعد من نصيبـي
اليا تركت أهلي ومالـي خلافـي
وأمسيت من تحت السطايح غريبي
الأرض فرشي والنثائـل لحافـي
وأقفا وخلانـي حبيـب وقريبـي
يارب تونس وحشتي وإرتجافـي
اليا تخلا مـن حسبتـه صحيبـي
يارب ترفق بالضلـوع النحافـي
من صكة اللحدين شيء رهيبـي
اللي تخلـي للضلـوع إختلافـي
مالي معين الا أنت وأنته حسيبـي
لا صرت جيفة بعد حسن الوصافي
طعـام دود بالقبـر يلتـوي بـي
رحماك يارب العبـاد الضعافـي
في موقف(ن)مافيه عندي حبيبـي
يارب يا رحمن يـا خيـر كافـي
تغفر لي الزلـة وتستـر لعيبـي
يارب تغفـر سيتـي وإنحرافـي
رحماك يارحمـن ترحـم نحيبـي
هذا دعائي ناظمـه فـي قوافـي
يا فارج الكربات تفـرج كريبـي



صح لسانك وبيض الله وجهك
قصيده مؤثره في النفس
ذكرتني الشاعر بديوي الوقداني

الاوله يالله يالي علا الاهمه رقيبي ... ياغافر الزلات تحمي الذنوب الي عليه

قصيده في قمة الجمال لاهنت

يارب تونس وحشتي وإرتجافـي
اليا تخلا مـن حسبتـه صحيبـي
يارب ترفق بالضلـوع النحافـي
من صكة اللحدين شـيء رهيبـي


مشكو بن هليل عل هذه الأبيات الموئثرة في النفس
والله يرحمنا أجمعين
ولك التحية