الاسم هذا ياطويل العمر جا فيه التباس= حصري لابن غازي ولن طاوعتني جنب عنه

ضيفتك فوق الراس مانزلتها من فوق راس= اترك علوم الميسره عطني علوم الميمنه

يمكن نصب الماء على عرقٍ من عروقٍ يباس = ويقوم فيها النبت وتحصل ظلالٍ تركنه
مادام طاح التمر لو تشري من السوق الكياس = أكيد به حاجه من تراب الاراضي مركنه

يااللي تدرق فالجبال العين خاتلها النعاس= الداب الاسود قالوا اهل العرف ياالذيب اذهنه

بنك الغناه اخير يابو زيد من بنك الفلاس= حافظ على وضعك قبل تصبح حديث الالسنه

كلٍ لقيله عضد يوم أنك تدوّر للمساس = افطن ترا بقعا عليكم تطّحن بالمطحنه
لاحان لي موعد مع الشعار قبيت الفراس = بالطيب تتحدث عني والشين انا باعد عنه

انا مع الحق اتحدث مااختزل ناس(ن) وناس= حنا نضد اللي يريد الهيمنه والملعنه

كم واحد قد قال انا الفارس وخلي فالمحاس= جاته سهوم الموت واسباب المنيه بطعنه