الحمدلله مغتني من فضل رب الجلاله= واللي يعاين من ورى الناس يبشر بانتكاسي

وقتك عوج والناس ياصاحبي فيهم عداله= لكن خلك فالمواقيف رجل دبلوماسي

انته غناوي والعرب تشتكي فقر وبطاله=الخير واجد والفقر حطم الرقم القياسي
وشعيل أشوفه قام يرسم على ضمة شعاله=وعيالها فيهم غضب والعقول بها يباسي

اهل الكراسي مادروا عنك ياراع الجلاله= واللي معه صرة ذهب مانظر لاهل النحاسي

مدري ذكا والا اعتقد ياولد منهم خباله= واللي يجيب الداب بكره يجيه اللي مواسي

حبل السواني جره الثور وأزلج بالمحاله=يابو قرون أبديت راسي وأنا ما أدس راسي
واللي يعيش بذل ياصاحبي لا حي فاله=موت الكرامة خير من بيع في سوق النخاسي